യുഎഇയുടെ 1 ബില്യൺ മീൽസ് എൻഡോവ്‌മെന്റ് കാമ്പെയ്‌ൻ ആരംഭിച്ച് 15 ദിവസത്തിന് ശേഷം മൊത്തം സംഭാവന 514 മില്ല്യൺ ദിർഹം രേഖപ്പെടുത്തി.
ഏറ്റവും വലിയ റമദാൻ സുസ്ഥിര ഭക്ഷണ സഹായ ഫണ്ട് സ്ഥാപിക്കുക എന്ന ലക്ഷ്യത്തോടെ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമാണ് കാമ്പയിൻ ആരംഭിച്ചത്. ഈ ഉദാരമായ തുക 87,000 പ്രമുഖ സംഭാവകരും വ്യക്തികളും ബിസിനസ്സുകളും പൊതു-സ്വകാര്യ മേഖലാ സ്ഥാപനങ്ങളും സംഭാവന ചെയ്തതാണ്.
