ഈദ് അൽ ഫിത്തർ ആഘോഷങ്ങൾക്കൊപ്പം, മേഖലയിലെ ഏറ്റവും വലിയ ഇൻഡോർ അഡ്വഞ്ചർ പാർക്ക് ” അഡ്രിനാർക്ക്” അബുദാബിയിലെ വാട്ടർഫ്രണ്ട് ലക്ഷ്യസ്ഥാനമായ അൽ ഖാനയിൽ പൊതുജനങ്ങൾക്കായി തുറന്നുകൊടുത്തു.
54,000 ചതുരശ്ര അടി വിസ്തീർണ്ണമുള്ള പാർക്കിൽ 20-ലധികം വിനോദ പ്രവർത്തനങ്ങളുമുണ്ട്. കെട്ടിടത്തിനുള്ളിൽ മൂന്ന് നിലകൾ കയറുന്ന യുഎഇയിലെ ആദ്യത്തെ മൾട്ടി-ലെവൽ ഇ-കാർട്ടിംഗ് ട്രാക്ക് മുതൽ എൽഇഡി സ്ലൈഡുകൾ, ബംഗീ ട്രാംപോളിനുകൾ, റോപ്പ് കോഴ്സുകൾ, ഉന്മേഷദായകമായ റൈഡുകൾ എന്നിവയുൾപ്പെടെ 20-ലധികം ആവേശകരമായ പ്രവർത്തനങ്ങൾ അഡ്വഞ്ചർ പാർക്ക് വാഗ്ദാനം ചെയ്യുന്നു. നാഷണൽ അക്വേറിയം, ബ്രിഡ്ജ് ലൈഫ്സ്റ്റൈൽ ഹബ്, പിക്സോൾ ഗെയിമിംഗ് എസ്പോർട്സ് അരീന, യുഎഇയിലെ ഏറ്റവും വലിയ സിനിമാ കോംപ്ലക്സ് സിനിമാസിറ്റി എന്നിവയും അൽ ഖാനയിലുണ്ട്.
ടിക്കറ്റ് നിരക്ക് 79 ദിർഹം (toddler pass), 99 ദിർഹം (explorer pass), 179 ദിർഹം (adventure pass), 399 ദിർഹം (day pass) എന്നിങ്ങനെയാണ്.