യുഎഇയിൽ ജൂൺ മാസത്തെ ഇന്ധന വില ഇന്ന് ബുധനാഴ്ച മെയ് 31 ന് പ്രഖ്യാപിക്കും.
ഏപ്രിലിൽ എണ്ണ ഉൽപ്പാദിപ്പിക്കുന്ന രാജ്യങ്ങൾ ഉൽപ്പാദനം അപ്രതീക്ഷിതമായി കുറച്ചതിനെത്തുടർന്ന് എണ്ണവില കുതിച്ചുയർന്നതിനാൽ വില അഞ്ച് ശതമാനത്തിലധികം വർദ്ധിപ്പിച്ചതിന് ശേഷം മെയ് മാസത്തിൽ പെട്രോൾ വില 2023 ലെ ഏറ്റവും ഉയർന്ന നിലയിലെത്തിയിരുന്നു.
2023 ഏപ്രിലിലെ 3.01 ദിർഹത്തിൽ നിന്ന് മെയ് മാസത്തിൽ സൂപ്പർ 98 പെട്രോൾ ലിറ്ററിന് 3.16 ദിർഹം ആയിരുന്നു,സ്‌പെഷ്യൽ 95 പെട്രോൾ വില ലിറ്ററിന് 2.90 ദിർഹത്തിൽ നിന്ന് മെയ് മാസത്തിൽ 3.05 ദിർഹമായി കൂട്ടി, ഇ പ്ലസ് ലിറ്ററിന് 2.82 ദിർഹത്തിൽ നിന്ന് മെയ് മാസത്തിൽ 2.97 ദിർഹമായി ഉയർത്തി.
മെയ് മാസത്തിൽ ഡീസൽ വില കുറഞ്ഞിരുന്നു. ഏപ്രിൽ മാസത്തിലെ ലിറ്ററിന് 3.03 ദിർഹവുമായി താരതമ്യം ചെയ്യുമ്പോൾ മെയ് മാസത്തിൽ 12 ഫിൽസ് കുറവോടെ ലിറ്ററിന് 2.91 ദിർഹമായിരിന്നു ഡീസൽ വില.
