യുഎഇയിൽ ഇന്ന് ചിലപ്പോൾ ഭാഗികമായി മേഘാവൃതമായ കാലാവസ്ഥയായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു.
രാജ്യത്തിന്റെ ആന്തരിക പ്രദേശങ്ങളിൽ പരമാവധി താപനില 41 നും 46 ഡിഗ്രി സെൽഷ്യസിനും ഇടയിലായിരിക്കുമെന്ന് പ്രതീക്ഷിക്കുന്നു. തീരപ്രദേശങ്ങളിലും ദ്വീപുകളിലും താപനില 38 മുതൽ 43 ° C വരെയും പർവതങ്ങളിൽ 29 മുതൽ 36 ° C വരെയും ഉയരും. ഇന്നലെ രാവിലെ 6.15ന് അൽ ദഫ്ര മേഖലയിലെ ബറാക്കയിൽ 22.8 ഡിഗ്രി സെൽഷ്യസാണ് ഏറ്റവും കുറഞ്ഞ താപനില രേഖപ്പെടുത്തിയത്.
ഇന്നലെ ഉച്ചകഴിഞ്ഞ് 3.45 ന് അൽ ദഫ്ര മേഖലയിലെ ഗസ്‌യൗറയിലാണ് ഏറ്റവും ഉയർന്ന താപനില 46.7 ഡിഗ്രി സെൽഷ്യസ് രേഖപ്പെടുത്തിയത്.തീരപ്രദേശങ്ങളിൽ ഹ്യുമിഡിറ്റി 75-85 ശതമാനം കൂടുതലായിരിക്കും, അതേസമയം ആന്തരിക പ്രദേശങ്ങളിൽ ഇത് 65-80 ശതമാനം ആയിരിക്കുമെന്നാണ് പ്രതീക്ഷിക്കുന്നത്.
