ഷാർജയിൽ തദ്ദേശീയമായി ഉൽപ്പാദിപ്പിക്കുന്ന ഗോതമ്പിൽ നിന്ന് നിർമ്മിക്കുന്ന സബാ സനാബെൽ ഗോതമ്പ് പൊടി, “യുഎഇയിൽ നിർമ്മിച്ചത്” എന്ന മാർക്ക് നേടുന്ന ആദ്യത്തെ ദേശീയ ഉൽപ്പന്നമായി.
‘സബാ സനാബെൽ’ ഗോതമ്പ് പൊടി യുഎഇയിൽ നിലവിലുള്ള ഏറ്റവും ഉയർന്ന ഗുണനിലവാരവും സുരക്ഷാ മാനദണ്ഡങ്ങളും പാലിക്കുന്നുണ്ട്. വിപണിയിൽ മത്സരക്ഷമത വർദ്ധിപ്പിക്കുകയും രാജ്യത്തെ ഉപഭോക്താക്കളുടെ വിശ്വാസം നേടുകയും ചെയ്തിട്ടുണ്ട്. ഷാർജ അഗ്രികൾച്ചറൽ ആൻഡ് ലൈവ്‌സ്റ്റോക്ക് പ്രൊഡക്ഷൻ കോർപ്പറേഷൻ സബാ സനാബെൽ ഗോതമ്പ് പൊടി ഉൽപ്പാദിപ്പിക്കുന്നത് എമിറേറ്റിന്റെയും യുഎഇയുടെയും നാഴികക്കല്ലാണെന്ന് ഷാർജയിലെ കൃഷി, കന്നുകാലി വകുപ്പ് ചെയർമാൻ ഡോ. ഖലീഫ മുസാബെഹ് അഹമ്മദ് അൽതെനെജി പറഞ്ഞു.
ഇതിൽ ഉയർന്ന ശതമാനം പ്രോട്ടീൻ അടങ്ങിയിരിക്കുന്നതിനാലും, രാസവസ്തുക്കളും ജനിതകമാറ്റവും ഇല്ലാത്തതിനാലും യുഎഇയിലെ മികച്ച ഇനങ്ങളിൽ ഒന്നായി കണക്കാക്കപ്പെടുന്നു. സുരക്ഷിതവും സുസ്ഥിരവുമായ കാർഷിക, മൃഗ പദ്ധതികൾ സ്ഥാപിക്കുന്നതെന്നും പ്രകൃതി പരിസ്ഥിതി, മനുഷ്യന്റെ ആരോഗ്യം സംരക്ഷിക്കുക, രാസവസ്തുക്കളില്ലാത്ത ശുദ്ധവും ആരോഗ്യകരവുമായ ഭക്ഷണം ഉൽപ്പാദിപ്പിക്കുക, തദ്ദേശീയ ഉൽപ്പാദനത്തിന്റെ മത്സരശേഷി വർധിപ്പിക്കുക തുടങ്ങിയ സുപ്രിം കൗൺസിൽ അംഗവും ഷാർജ ഭരണാധികാരിയുമായ ഡോ.ശൈഖ് സുൽത്താൻ ബിൻ മുഹമ്മദ് അൽ ഖാസിമിയുടെ നിർദ്ദേശങ്ങൾക്ക് അനുസൃതമായാണ് ഷാർജയിലെ ഗോതമ്പ് ഉൽപ്പാദനം.
