യുഎഇയിൽ ഇന്ന് താപനില 48 ഡിഗ്രി സെൽഷ്യസിൽ എത്തുമെന്ന് നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു.
രാജ്യത്തിന്റെ ആന്തരിക പ്രദേശങ്ങളിൽ പരമാവധി താപനില 44 മുതൽ 48 ഡിഗ്രി സെൽഷ്യസ് വരെയായിരിക്കുമെന്നാണ് പ്രതീക്ഷിക്കുന്നത്. തീരപ്രദേശങ്ങളിലും ദ്വീപുകളിലും താപനില 38 മുതൽ 43 ഡിഗ്രി സെൽഷ്യസും പർവതങ്ങളിൽ 30 മുതൽ 35 ഡിഗ്രി സെൽഷ്യസും വരെ ഉയരും. പകൽ സമയത്ത് ചില സമയങ്ങളിൽ മണിക്കൂറിൽ 40 കി.മീ.വേഗതയിൽ പൊടിക്കാറ്റ് വീശാനും സാധ്യതയുണ്ട്.
അൽ ഐനിലെ അൽ ഫോഹിൽ 23.5 ഡിഗ്രി സെൽഷ്യസാണ് ഇന്നലത്തെ ഏറ്റവും കുറഞ്ഞ താപനിലയായി രേഖപ്പെടുത്തിയത്. ഇന്നലെ ഉച്ചയ്ക്ക് 2.30ന് അൽ ഐനിലെ സ്വീഹാനിൽ 49.1 ഡിഗ്രി സെൽഷ്യസായി ഉയർന്ന താപനില രേഖപ്പെടുത്തിയിരുന്നു.
ഇന്ന് തീരപ്രദേശങ്ങളിൽ ഹ്യുമിഡിറ്റി 75-90 ശതമാനം ഉയർന്നതായിരിക്കും, അതേസമയം ആന്തരിക പ്രദേശങ്ങളിൽ ഇത് 65-85 ശതമാനമാകുമെന്നാണ് പ്രതീക്ഷിക്കുന്നത്.
