ദുബായിൽ പുതിയ ട്രാഫിക് നിയമം ഭേദഗതി ചെയ്തതനുസരിച്ച് നാളെ 2023 ജൂലൈ 6 മുതൽ ഗുരുതരമായ ലംഘനങ്ങൾക്ക് 50,000 ദിർഹം പിഴ നൽകേണ്ടി വരും.
അശ്രദ്ധമായോ ജീവനോ സ്വത്തിനോ അപകടമുണ്ടാക്കുന്ന തരത്തിൽ വാഹനമോടിക്കുക ♦ മുൻകൂർ അനുമതിയില്ലാതെ റോഡ് റേസിൽ പങ്കെടുക്കുക ♦ ചുവന്ന ലൈറ്റ് മറികടന്ന് വാഹനമോടിക്കുക ♦ നിയമവിരുദ്ധമായി ഉപയോഗിച്ചതോ വ്യാജമായതോ ആയ നമ്പർ പ്ലേറ്റ് ഉപയോഗിച്ച് വാഹനം വാഹനമോടിക്കുക ♦ പോലീസ് വാഹനവുമായി ബോധപൂർവം കൂട്ടിയിടിക്കുകയോ മനഃപൂർവം അതിന് കേടുവരുത്തുകയോ ചെയ്യുക ♦ 18 വയസ്സിന് താഴെയുള്ളവർ വാഹനമോടിക്കുക തുടങ്ങിയ ലംഘനങ്ങളെതുടർന്ന് പിടിച്ചെടുക്കുന്ന വാഹനങ്ങൾക്ക് 50,000 ദിർഹം പിഴ നൽകേണ്ടിവരും.
വാഹനത്തിൽ കാര്യമായ മാറ്റങ്ങൾ (വേഗതയിൽ , ശബ്ദത്തിൽ , എൻജിനിൽ ) വരുത്തുന്നത് ♦ പോലീസിൽ നിന്ന് രക്ഷപ്പെടാൻ ഒളിക്കുന്നത് ♦ ലൈസൻസ് പ്ലേറ്റ് ഇല്ലാതെ വാഹനം ഓടിക്കുന്നത് ♦ വാഹനത്തിന്റെ ജനാലകൾക്ക് അനുവദനീയമായ ടിന്റ് ശതമാനം കവിയുകയോ അനുമതിയില്ലാതെ മുൻവശത്തെ വിൻഡ്‌ഷീൽഡിന് നിറം നൽകുകയോ ചെയ്യുക തുടങ്ങിയ ലംഘനങ്ങൾക്ക് കണ്ടുകെട്ടിയ വാഹനങ്ങൾ 10,000 ദിർഹം അടച്ചതിനുശേഷം മാത്രമേ വിട്ടുനൽകൂ.
ഓട്ടമത്സരങ്ങൾ കാണുന്നതിനോ അവയുടെ ഫലമായുണ്ടാകുന്ന അരാജകമായ പ്രവർത്തനങ്ങളിൽ പങ്കെടുക്കുന്നതിനോ അല്ലെങ്കിൽ റോഡിൽ ഡ്രൈവർമാർ ഒത്തുചേരുക എന്നിവയുമായി ബന്ധപെട്ട് കണ്ടുകെട്ടിയ വാഹനങ്ങൾ വീണ്ടെടുക്കാൻ ഒരു ലക്ഷം ദിർഹം പിഴ നൽകേണ്ടിവരും
മൊത്തം ട്രാഫിക് പിഴ 6,000 ദിർഹം കവിഞ്ഞാൽ ദുബായ് പോലീസിന് ഒരു വാഹനം പിടിച്ചെടുക്കാനുള്ള അവകാശമുണ്ടായിരിക്കും. കണ്ടുകെട്ടിയ വാഹനം ട്രാഫിക് പിഴ അടച്ചതിന് ശേഷം വിട്ടുനൽകുകയും ചെയ്യും
