ദുബായ് പോലീസിന്റെ ആഡംബര പട്രോളിംഗ് വാഹനങ്ങളുടെ ശൃംഖലയിൽ ബെന്റ്ലി GT-V8 യും ഉണ്ടാകും.
പുതിയ അൾട്രാ ലക്ഷ്വറി ബെന്റ്ലി കോണ്ടിനെന്റൽ GT-V8-ന് 542 ഹോഴ്സ് പവറുള്ള 8-സിലിണ്ടർ എഞ്ചിൻ ആണുള്ളത്. 3.9 സെക്കൻഡിനുള്ളിൽ മണിക്കൂറിൽ 0 മുതൽ 100 കിലോമീറ്റർ വരെ വേഗത കൈവരിക്കാനാകും. ഈ വാഹനത്തിന് 770 NM വരെ ടോർക്കും ഉണ്ട്, ഇത് ദുബായ് പോലീസ് സേനയ്ക്ക് കൂടുതൽ ശക്തി പകരും.
ദുബായ് പോലീസ് ഓഫീസേഴ്സ് ക്ലബ്ബിൽ നടന്ന ഈ വാഹനത്തിന്റെ സ്വീകരണ ചടങ്ങിൽ ജനറൽ ഡിപ്പാർട്ട്മെന്റ് ഓഫ് ക്രിമിനൽ ഇൻവെസ്റ്റിഗേഷൻ ഡയറക്ടർ മേജർ ജനറൽ ജമാൽ അൽ ജലാഫ്, ബെന്റ്ലിയിലെ നാഷണൽ ബ്രാൻഡ് മാനേജർ ഡാനി കകൗൺ, കമ്പനിയുടെ ഫിനാൻഷ്യൽ ഓഫീസർ മൈക്കൽ ഖൈറി കൂടാതെ മുതിർന്ന ഉദ്യോഗസ്ഥരും ജീവനക്കാരും പങ്കെടുത്തു.