യുഎഇയിലെ ആദ്യ വനിതാ ബഹിരാകാശയാത്രികയായ നോറ അൽ മത്രൂഷി ഭാവിയിലെ ബഹിരാകാശ നടത്തത്തിന് (spacewalks) തയ്യാറെടുക്കുന്നതിനായി ലോകത്തിലെ ഏറ്റവും വലിയ ഇൻഡോർ പൂളിൽ പരിശീലനം നടത്തിവരികയാണ്.
145 കിലോഗ്രാം സ്യൂട്ട് ധരിച്ചുള്ള പരിശീലനമാണ് പുരോഗമിക്കുന്നത്.ടെക്സാസിലെ ഹൂസ്റ്റണിലുള്ള ന്യൂട്രൽ ബൂയൻസി ലബോറട്ടറിയിൽ 2.3 ദശലക്ഷം ലിറ്റർ വെള്ളം നിറച്ച ഒരു കുളത്തിലാണ് പരിശീലനം നടത്തുന്നത്. മിസ് അൽ മത്രൂഷി കൂടാതെ എമിറാത്തി സഹപ്രവർത്തകനായ മുഹമ്മദ് അൽ മുല്ലയും ഒപ്പം പരിശീലനം ചെയ്യുന്നുണ്ട്.
ഇപ്പോൾ നാല് അംഗങ്ങളുള്ള യുഎഇയുടെ ബഹിരാകാശ യാത്രിക കോർപ്സിലെ ഏറ്റവും പുതിയ അംഗങ്ങളാണ് 30 കാരിയായ മത്രൂഷിയും 34 കാരനായ അൽ മുല്ലയും.
2019 ൽ അന്താരാഷ്ട്ര ബഹിരാകാശ നിലയത്തിൽ എട്ട് ദിവസം ചെലവഴിച്ച ബഹിരാകാശത്തെ ആദ്യത്തെ എമിറാത്തിയായ ഹസ്സ അൽ മൻസൂരിയുടെയും നിലവിൽ ഐഎസ്എസിലുള്ള സുൽത്താൻ അൽ നെയാദിയുടെയും പാതയാണ് ഇവർ പിന്തുടരുന്നത്.
Highlights from @Astronaut_Nora training at the NBL at the Johnson Space Center.
Nora, along with @Astro_Almulla, continue their training regimen as part of the NASA Astronaut Candidate Class of 2021, with both having previously undergone survival and T-6 aircraft training. pic.twitter.com/wJBu4BTdh6— MBR Space Centre (@MBRSpaceCentre) August 14, 2023