എമിറേറ്റ്സ് എയർലൈൻസിന്റെ യാത്രക്കാർക്കുള്ള മെനുവിൽ ഇത്തവണയും ഓണവിഭവങ്ങളുണ്ടായിരിക്കുമെന്ന് എമിറേറ്റ്സ് എയർലൈൻസ് അറിയിച്ചു.
കൊച്ചിയിലേക്കുള്ള ആഴ്ചയിൽ 14 തവണ എമിറേറ്റ്സ് വിമാനത്തിലും തിരുവനന്തപുരത്തേക്ക് 7 തവണ എമിറേറ്റ്സ് വിമാനത്തിലും ഓണത്തിന്റെ വ്യത്യസ്ത രുചികളുള്ള മെനുകൾ യാത്രക്കാർക്ക് ഗൃഹാതുരത്വം സമ്മാനിക്കും. ശർക്കര ഉപ്പേരി,കായ വറുത്തത്, കൊണ്ടാട്ടം മുളക്, കാളൻ, വെള്ളരിക്കാ പച്ചടി,പുളി ഇഞ്ചി എന്നിവയുൾപ്പെടെ ഓണത്തിന്റെ സ്വാദിഷ്ടമായ ഡിപ്പുകൾ യാത്രക്കാർക്ക് ലഭിക്കും. ഫസ്റ്റ്, ബിസിനസ് ക്ലാസ് യാത്രക്കാർക്കടക്കം കേരള ശൈലിയിലുള്ള പപ്പടവും മാങ്ങാ അച്ചാറും നൽകും.
നോൺ വെജ് വേണ്ടവർക്ക് ആലപ്പുഴ ചിക്കൻ കറിയും മട്ടൻ പെപ്പർ ഫ്രൈയും ഒരുക്കിയിട്ടുണ്ട്. അത് യഥേഷ്ടം തിരഞ്ഞെടുക്കാവുന്നതാണ്. ഓണസീസണിനോട് വിശ്വസ്തത പുലർത്തിക്കൊണ്ട്, എല്ലാ ഭക്ഷണങ്ങളും വാഴയിലയിലാണ് നൽകുക.