ഇന്ത്യ ഇന്ന് 77-ാമത് സ്വാതന്ത്ര്യദിനം ആഘോഷിക്കുമ്പോൾ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഇന്ത്യക്കാർക്ക് ട്വിറ്ററിലൂടെ ആശംസകൾ അറിയിച്ചു.
“ഇന്ത്യ 77-ാം സ്വാതന്ത്ര്യദിനം ആഘോഷിക്കുമ്പോൾ, ഈ മഹത്തായ രാജ്യത്തിന്റെ നേതൃത്വത്തിനും ജനങ്ങൾക്കും ഞാൻ എന്റെ അഭിനന്ദനങ്ങൾ അറിയിക്കുന്നു. ഈ സന്തോഷകരമായ അവസരത്തിൽ, പങ്കിട്ട സമൃദ്ധിയുടെയും വളർച്ചയുടെയും ഭാവി കെട്ടിപ്പടുക്കുന്നതിനും ഞങ്ങളുടെ പങ്കാളിത്തം പുതിയ ഉയരങ്ങളിലേക്ക് ഉയർത്തുന്നതിനും രാഷ്ട്രീയ, സാമ്പത്തിക, സാംസ്കാരിക ബന്ധങ്ങളുടെ പുതിയ ചക്രവാളങ്ങൾ പര്യവേക്ഷണം ചെയ്യുന്നതിനുമുള്ള പ്രതിബദ്ധത യുഎഇ വീണ്ടും ഉറപ്പിക്കുന്നു. സ്വാതന്ത്ര്യ ദിനാശംസകൾ, സ്വതന്ത്രതാ ദിവസ്! ഷെയ്ഖ് മുഹമ്മദ് ട്വിറ്ററിൽ പോസ്റ്റ് ചെയ്തു.
As India celebrates its 77th Independence Day, I extend my congratulations to the leadership and the people of this great nation. On this joyous occasion, the UAE reaffirms its commitment to building a future of shared prosperity and growth, elevating our partnership to new…
— HH Sheikh Mohammed (@HHShkMohd) August 15, 2023
സ്വാതന്ത്ര്യദിനത്തോടനുബന്ധിച്ച് ദുബായിൽ ഇന്ന് രാവിലെ ഇന്ത്യൻ കോൺസുലേറ്റിൽ പതാക ഉയർത്തലും വർണ്ണാഭമായ സാംസ്കാരിക പരിപാടികളും സംഘടിപ്പിച്ചിരുന്നു.
