റാസ് അൽ ഖൈമയിലെ വാദി ഖദാഅയിലെ ദുർഘടമായ പർവതപ്രദേശത്ത് ഒറ്റപ്പെട്ടുപോയ രണ്ട് യുവാക്കളെ റാസൽഖൈമയിലെ എമർജൻസി ആൻഡ് റെസ്‌ക്യൂ ഡിപ്പാർട്ട്‌മെന്റും പോലീസും ചേർന്നുള്ള സംയുക്ത പരിശ്രമത്തിലൂടെ രക്ഷപ്പെടുത്തി.
16 ഉം 17 ഉം വയസ്സുള്ള യുവാക്കൾ ഇന്നലെ ഉച്ചയോടെയാണ് മലയിൽ കുടുങ്ങിപ്പോയത്. ഇവരെ കണ്ടെത്തുമ്പോൾ ഒരാൾ കടുത്ത തളർച്ച അനുഭവിച്ചിരുന്നു.
തളർന്നുപോയ യുവാക്കൾക്ക് ആവശ്യമായ പ്രഥമശുശ്രൂഷ നൽകിയതിന് ശേഷം ഇരുവരെയും പരിശോധനകൾക്കായി സഖർ സർക്കാർ ആശുപത്രിയിലേക്ക് കൊണ്ടുപോയി.
