യുഎഇ പാസ് ഉപയോഗിച്ചുള്ള തട്ടിപ്പ് നടക്കുന്നത് ശ്രദ്ധയിൽപെട്ടിട്ടുണ്ടെന്ന് ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെന്റ് റെഗുലേറ്ററി അതോറിറ്റി (TDRA) മുന്നറിയിപ്പ് നൽകി.
യുഎഇ പാസുമായി ബന്ധപെട്ട് ഏതെങ്കിലും അറിയിപ്പുകളോ ലോഗിൻ അഭ്യർത്ഥനകളോ ലഭിക്കുമ്പോൾ ജാഗ്രത പാലിക്കണമെന്നും, നിങ്ങളുടെ അക്കൗണ്ടുകളിലേക്ക് അനധികൃത ആക്‌സസ് തേടുന്ന വ്യക്തികളുടെ വഞ്ചന ശ്രമങ്ങൾ ഒഴിവാക്കാൻ ഏതെങ്കിലും ബട്ടണുകളിൽ ക്ലിക്ക് ചെയ്യുന്നതിന് മുമ്പ് ഈ അഭ്യർത്ഥനകൾ നന്നായി പരിശോധിക്കേണ്ടത് അത്യാവശ്യമാണെന്ന് അതോറിറ്റി പറഞ്ഞു.
യുഎഇ പാസ് വളരെ സുരക്ഷിതമാണെന്ന് ടെലികമ്മ്യൂണിക്കേഷൻസ് ആൻഡ് ഡിജിറ്റൽ ഗവൺമെന്റ് റെഗുലേറ്ററി അതോറിറ്റി താമസക്കാർക്ക് ഉറപ്പ് നൽകിയിട്ടുണ്ട്. തട്ടിപ്പ് സംബന്ധിച്ച സോഷ്യൽ മീഡിയ പോസ്റ്റുകളോട് പ്രതികരിക്കുകയായിരുന്നു അതോറിറ്റി.
യുഎഇ ഗവൺമെന്റ് വെബ്‌സൈറ്റ് അനുസരിച്ച്, സ്‌മാർട്ട്‌ഫോൺ അധിഷ്‌ഠിത പ്രാമാണീകരണത്തിലൂടെ സേവന ദാതാക്കളോട് സ്വയം തിരിച്ചറിയാൻ ഉപയോക്താക്കളെ പ്രാപ്‌തമാക്കുന്ന ആദ്യത്തെ ദേശീയ ഡിജിറ്റൽ ഐഡന്റിറ്റിയും സിഗ്‌നേച്ചർ സൊല്യൂഷനുമാണ് യുഎഇ പാസ് ആപ്പ്.
വളരെ സുരക്ഷിതമായ ഈ ആപ്പ് ഉപയോക്താക്കൾക്ക് ഒരു ഡിജിറ്റൽ ഐഡന്റിറ്റി നൽകുകയും വ്യത്യസ്‌ത ആപ്പുകൾക്കായി ഒന്നിലധികം ഉപയോക്തൃനാമങ്ങളും പാസ്‌വേഡുകളും സൃഷ്‌ടിക്കുന്നതിനോ ഓർമ്മിക്കുന്നതിനോ ഉള്ള ആവശ്യം ഇല്ലാതാക്കുന്നു.
