ജി20 ഉച്ചകോടിക്കായി യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഇന്ന് വെള്ളിയാഴ്ച ഇന്ത്യയിലെ ന്യൂഡൽഹിയിൽ എത്തി.
ന്യൂഡൽഹിയിൽ നടക്കാനിരിക്കുന്ന 18-ാമത് ജി20 ഉച്ചകോടിക്ക് മുന്നോടിയായാണ് യുഎഇ പ്രസിഡന്റ് ഇന്ത്യയിലെത്തിയത്.
‘ഒരു ഭൂമി, ഒരു കുടുംബം, ഒരു ഭാവി’ എന്ന പ്രമേയവുമായി നടക്കുന്ന ജി20 ഉച്ചകോടിക്കായി ലോകമെമ്പാടുമുള്ള നേതാക്കൾ ഇന്ത്യയിൽ എത്തിയിട്ടുണ്ട്. അതിഥി രാജ്യമെന്ന നിലയിൽ ഈ വർഷത്തെ ഉച്ചകോടിയിൽ യുഎഇ പങ്കെടുക്കുന്നത് ജി 20 യുടെ അധ്യക്ഷസ്ഥാനമായ ഇന്ത്യയുടെ ക്ഷണപ്രകാരമാണ്.