ഒട്ടേറെ പു​തു​മ​യു​ള്ള കാ​ഴ്ച​കളോടെ ഷാർജ സഫാരി പാർക്ക് നാളെ തുറക്കും

ആഫ്രിക്കയ്ക്ക്​ പു​റ​ത്തെ ​ഏ​റ്റ​വും വ​ലി​യ സ​ഫാ​രി പാ​ർ​ക്ക്​ ആയ ഷാർജ സഫാരി പാർക്കിന്റെ മൂന്നാമത് സീസണിന് നാളെ സെപ്റ്റംബർ 21 ന് തുടക്കമാകുമെന്ന് ഷാർജയിലെ എൻവയോൺമെന്റ് ആൻഡ് പ്രൊട്ടക്റ്റഡ് ഏരിയസ് അതോറിറ്റി അറിയിച്ചു.

ലോകമെമ്പാടുമുള്ള സന്ദർശകരെയും വിനോദസഞ്ചാരികളെയും പ്രകൃതി സ്നേഹികളെയും ആകർഷിക്കുന്ന തരത്തിൽ കഴിഞ്ഞ തവണയെ അപേക്ഷിച്ച് ഒട്ടേറെ പു​തു​മ​യു​ള്ള കാ​ഴ്ച​കളോടെയാണ് ഈ സീസണിൽ ഷാർജ സഫാരി പാർക്ക് തുറക്കുന്നത്.

8 സ്ക്വ​യ​ർ കി.​മീ​റ്റ​ർ വി​സ്തീ​ർ​ണ​ത്തിൽ അൽ ദൈദിലെ അൽ ബ്രിഡി റിസർവിലാണ് സഫാരി പാർക്ക് ഉള്ളത്. 120-ലധികം പക്ഷികളും 50,000-ലധികം മൃഗങ്ങളും പാർക്കിലുണ്ട്. ഇത്തവണ 200 ലധികം നവജാത ജീ​വി​ക​ളും പാർക്കിലുണ്ടാകും.

രാവിലെ 8.30 മുതൽ വൈകിട്ട് 6 വരെയാണ് പ്രവേശനസമയം. മുതിർന്നവർക്ക് 40 ദിർഹവും , കുട്ടികൾക്ക് നിരക്ക് 15 ദിർഹവുമാണ്. വന്യജീവി സങ്കേതത്തിലൂടെയുള്ള കാഴ്ചകൾ ആസ്വദിക്കാൻ മുതിർന്നവർക്ക് 120 മുതൽ 275 ദിർഹം വരെ വ്യത്യസ്ത പാക്കേജുകളുണ്ടെന്ന് പരിസ്ഥിതി, സംരക്ഷിത മേഖലാ അതോറിറ്റി ചെയർപഴ്‌സൺ ഹന സൈഫ് അൽ സുവൈദി പറഞ്ഞു.