പ്രമുഖ റീട്ടെയിലർ ഗ്രൂപ്പ് ലുലു തങ്ങളുടെ ലോകോത്തര ഹൈപ്പർമാർക്കറ്റ് ദുബായ് മാളിൽ ഇന്ന് ഒക്ടോബര് 09, 2023 ന് തുറന്നു പ്രവർത്തനമാരംഭിച്ചു.
എമാർ പ്രോപ്പർട്ടീസ് ചെയർമാൻ ജമാൽ ബിൻ താനിയ, ലുലു ഗ്രൂപ്പ് ചെയർമാൻ യൂസഫ് അലി എംഎ, മറ്റ് പ്രമുഖർ എന്നിവരുടെ സാന്നിധ്യത്തിൽ 72,000 ചതുരശ്ര അടി വിസ്തീർണമുള്ള ലുലു ഹൈപ്പർമാർക്കറ്റ് യുഎഇ വിദേശ വ്യാപാര സഹമന്ത്രി ഡോ.താനി ബിൻ അഹമ്മദ് അൽ സെയൂദി ഔദ്യോഗികമായി ഉദ്ഘാടനം ചെയ്തു.
ദുബായ് എമിറേറ്റിലെ ലുലു ഗ്രൂപ്പിന്റെ ഔട്ലെറ്റുകളുടെ എണ്ണം 24 ആയി വർധിപ്പിച്ചുകൊണ്ട്, അത്യാധുനിക സൗകര്യങ്ങളോടുകൂടിയ ഔട്ട്ലെറ്റ് പ്രധാനമായും പലചരക്ക്, ഫ്രഷ് ഫുഡ്, പഴങ്ങളും പച്ചക്കറികളും, ബേക്കറി, ആരോഗ്യം എന്നിവയിൽ ശ്രദ്ധ കേന്ദ്രീകരിക്കുന്നു.
100 ദശലക്ഷത്തിലധികം സന്ദർശകരെ സ്വാഗതം ചെയ്യുന്ന ലോകത്തിലെ ഏറ്റവും വലുതും അഭിമാനകരവുമായ ഷോപ്പിംഗ്-ലെഷർ ഡെസ്റ്റിനേഷനായ ദുബായ് മാളിൽ ഞങ്ങളുടെ ഏറ്റവും പുതിയ ഹൈപ്പർമാർക്കറ്റ് തുറക്കാൻ എമ്മറുമായി കൈകോർക്കുന്നതിൽ ഞങ്ങൾക്ക് അതിയായ സന്തോഷമുണ്ടെന്ന് ഉദ്ഘാടന വേളയിൽ മാധ്യമങ്ങളോട് യൂസഫലി എംഎ പറഞ്ഞു.
ഇറ്റലിയിലെയും പോളണ്ടിലെയും പുതിയ കേന്ദ്രങ്ങളിലൂടെ ആഗോള സോഴ്സിംഗ് പ്രവർത്തനങ്ങൾ വിപുലീകരിച്ച ലുലു, പ്രത്യേകിച്ച് “ആരോഗ്യകരമായ” ഉൽപ്പന്നങ്ങളുടെ പ്രത്യേക ശ്രേണി കൂട്ടിച്ചേർക്കുന്നതിൽ ശ്രദ്ധ കേന്ദ്രീകരിക്കുന്നു.
ദുബായ് മാളിലെ സബീൽ പാർക്കിംഗ് വഴിയാണ് ലുലു ഹൈപ്പർമാർക്കറ്റിലേക്കുള്ള പ്രവേശനം.