അബുദാബിയുടെ ഇന്റഗ്രേറ്റഡ് ട്രാൻസ്പോർട്ട് സെന്റർ യാസ് ദ്വീപിലും സാദിയാത്ത് ദ്വീപിലും ആദ്യമായി അത്യാധുനിക ഓട്ടോമേറ്റഡ് റാപ്പിഡ് ട്രാൻസിറ്റ് (ART) സേവനം ആരംഭിച്ചു. പരിസ്ഥിതി സൗഹൃദവും എമിഷൻ രഹിതവുമായ ഈ സേവനം വെള്ളി, ശനി, ഞായർ ദിവസങ്ങളിലാണ് പ്രവർത്തിക്കുന്നത്. ഓരോ ട്രിപ്പിലും 200 പേർക്ക് യാത്ര ചെയ്യാം.
സ്മാർട്ട് മൊബിലിറ്റി പദ്ധതിയുടെ പുതിയ ഘട്ടമായ ഈ സംവിധാനത്തിലൂടെ സന്ദർശകർക്കും താമസക്കാർക്കും നഗരം ചുറ്റിക്കറങ്ങാനാകും. ഇലക്ട്രാ സ്ട്രീറ്റ് എന്നറിയപ്പെടുന്ന സായിദ് ദി ഫസ്റ്റ് സ്ട്രീറ്റ് വഴി റീം മാളിനും (റീം ഐലൻഡിൽ) മറീന മാളിനും (അബുദാബി കോർണിഷിന്റെ അവസാനം) ഇടയിൽ ART-കൾ പ്രവർത്തിക്കുന്നു.
ആദ്യ ട്രിപ്പ് രാവിലെ 10 മണിക്ക് അൽ റീം മാളിൽ നിന്നും, അവസാനത്തേത് ഉച്ചയ്ക്ക് 2 മണിക്ക്, മറീന മാളിൽ നിന്ന് രാവിലെ 11 മണിക്ക്, അവസാന ട്രിപ്പ് ഉച്ചകഴിഞ്ഞ് 3 മണിക്ക് ആരംഭിക്കും. വെള്ളി, ശനി, ഞായർ ദിവസങ്ങളിൽ ഗൂഗിൾ മാപ്പിലൂടെയും ഔദ്യോഗിക ഡാർബി ആപ്പിലൂടെയും തത്സമയ യാത്രാ സമയം ട്രാക്ക് ചെയ്യാം.
പ്ലഷ് സീറ്റുകളും പനോരമിക് വിൻഡോകളും ഡിജിറ്റൽ സ്റ്റോപ്പ് നോട്ടിഫിക്കേഷനും ഉള്ള വികസിത രാജ്യങ്ങളിലെ ഏറ്റവും മികച്ച മെട്രോ കാറുകളിൽ കാണുന്നത് പോലെയാണ് ഇതിലെ ഇരിപ്പിട ക്രമീകരണം. ഒരു പൊതുഗതാഗത ബസ് പോലെ, എആർടി വാഹനങ്ങൾക്ക് തടസ്സമില്ലാതെ പാതകൾ മാറ്റാനുള്ള കഴിവുമുണ്ട്,