യുഎഇയിൽ തൊഴിൽ നഷ്ട ഇൻഷുറൻസിൽ അംഗമായെങ്കിലും മൂന്ന് മാസത്തിലധികം പ്രീമിയം അടയ്‌ക്കുന്നതിൽ പരാജയപ്പെടുന്നവർക്ക് 200 ദിർഹം പിഴ ലഭിക്കുമെന്ന് മാനവ വിഭവശേഷി, എമിറേറ്റൈസേഷൻ മന്ത്രാലയം ഓർമ്മപ്പെടുത്തി
ഒക്‌ടോബർ ഒന്നിന് മുമ്പ് തൊഴിലില്ലായ്മ ഇൻഷുറൻസ് സ്കീമിൽ വരിക്കാരാകാത്തവർക്ക് 400 ദിർഹം പിഴ അടയ്‌ക്കേണ്ടി വരുമെന്നും മന്ത്രാലയം ഓർമ്മപ്പെടുത്തിയിരുന്നു. പിഴ അടക്കാതെ തുടരുകയാണെങ്കിൽ, ജീവനക്കാർക്ക് പുതിയ വർക്ക് പെർമിറ്റുകൾ അനുവദിക്കില്ലെന്ന് മാനവ വിഭവശേഷി, എമിറേറ്റൈസേഷൻ മന്ത്രാലയം പറഞ്ഞു, പിഴകൾ അവരവരുടെ ശമ്പളത്തിൽ നിന്നോ സേവനത്തിന്റെ അവസാന ഗ്രാറ്റുവിറ്റിയിൽ നിന്നോ കുറയ്ക്കാം.
