എത്തിഹാദ് വിമാനക്കമ്പനിയുടെ മുഴുവൻ സർവീസുകളും പുതിയ വിമാനത്താവള ടെർമിനലിലേക്ക് മാറുന്നതിനോടനുബന്ധിച്ച് മിന തുറമുഖത്തും അബൂദബി എക്സിബിഷൻ കേന്ദ്രത്തിലും പ്രവർത്തിക്കുന്ന ഓഫ് എയർപോർട്ട് ചെക് ഇൻ കേന്ദ്രങ്ങളിലാണ് അടുത്ത ഒരുമാസത്തേക്ക് സൗജന്യ ചെക് ഇൻ ഏർപ്പെടുത്തി. ഡിസംബർ 14 വരെയാണ് സൗജന്യ ചെക് ഇൻ സൗകര്യം ഉണ്ടായിരിക്കുക.
മൊറാഫിക് ഏവിയേഷന്റെ കീഴിൽ മിന തുറമുഖത്തെ ചെക് ഇൻ സൗകര്യം 24 മണിക്കൂറും പ്രവർത്തിക്കും. എക്സി ബിഷൻ സെന്ററിൽ രാവിലെ ഒമ്പതു മുതൽ രാത്രി ഒമ്പതുവരെയാണ് പ്രവർത്തിക്കുന്നത്. ഇത്തിഹാദിനു പുറമെ എയർ അറേബ്യ, വിസ് എയർ ഈജിപ്ത് എയർ എന്നിവയുടെ യാത്രക്കാർക്കും ഇവിടെ കുറഞ്ഞ നിരക്കിൽ ചെക് ഇൻ സൗകര്യം പ്രയോജനപ്പെടുത്താം.
