മിഡിൽ ഈസ്റ്റ് അവാർഡിൽ എയർലൈൻ ഓഫ് ദ ഇയർ തിരഞ്ഞെടുക്കപ്പെട്ട് ഫ്ലൈദുബായ്.
മുമ്പ് ഏവിയേഷൻ ബിസിനസ് മിഡിൽ ഈസ്റ്റ് അവാർഡ്‌സ് എന്നറിയപ്പെട്ടിരുന്ന ഏവിയേറ്റർ മിഡിൽ ഈസ്റ്റ് അവാർഡിൽ ദുബായ് ആസ്ഥാനമായുള്ള വിമാനക്കമ്പനിയായ ഫ്ലൈദുബായ് എയർലൈൻ ഓഫ് ദ ഇയർ ആയി തിരഞ്ഞെടുക്കപ്പെട്ടു.
ഇന്നലെ ചൊവ്വാഴ്ച ദുബായിൽ നടന്ന ചടങ്ങിൽ വിമാനക്കമ്പനിയെ പ്രതിനിധീകരിച്ച് ഫ്ലൈ ദുബായ് ഇൻഫ്‌ളൈറ്റ് ഓപ്പറേഷൻസ് സീനിയർ വൈസ് പ്രസിഡന്റ് ഡാനിയൽ കെറിസൺ അവാർഡ് ഏറ്റുവാങ്ങി. യാത്രക്കാരുടെ സംതൃപ്തി, സുരക്ഷ, നവീകരണം, മേഖലയിലെ പ്രവർത്തന മികവ് എന്നിവയിൽ സമാനതകളില്ലാത്ത പ്രതിബദ്ധത പ്രകടിപ്പിക്കുന്ന എയർലൈനുകൾക്കാണ് വ്യവസായ വിദഗ്ധർ വോട്ട് ചെയ്തത്. ഇതിലാണ് ഫ്ലൈദുബായ് തിരഞ്ഞെടുക്കപ്പെട്ടത്‌.
അസാധാരണമായ വിമാനയാത്രാ അനുഭവങ്ങൾ, കാര്യക്ഷമമായ പ്രവർത്തനങ്ങൾ, മിഡിൽ ഈസ്റ്റിന്റെ ആഗോള കണക്റ്റിവിറ്റി വർദ്ധിപ്പിക്കുന്നതിനും മേഖലയുടെ സാമ്പത്തിക വളർച്ചയെ നയിക്കുന്നതിനും സംഭാവന നൽകിക്കൊണ്ട് വ്യവസായ നിലവാരം സ്ഥാപിക്കുന്നതിനും ഫ്ലൈദുബായ് അംഗീകരിക്കപ്പെട്ടു.
