യുഎഇയിൽ തിയേറ്ററിൽ വെച്ച് സിനിമയുടെ ഫോട്ടോയോ വീഡിയോയോ എടുത്താൽ ഒരു ലക്ഷം ദിർഹം വരെ പിഴയും 2 മാസം തടവും ലഭിക്കാവുന്ന കുറ്റമാണെന്ന് അപ്പർകേസ് ലീഗൽ അഡൈ്വസറിയുടെ മാനേജിംഗ് പാർട്ണർ അലക്സാണ്ടർ കുകുവേവ് മുന്നറിയിപ്പ് നൽകി.
ഈ പെരുമാറ്റങ്ങൾ രാജ്യത്തെ പകർപ്പവകാശ നിയമങ്ങൾ ലംഘിക്കുന്നതിനാൽ സിനിമാ രംഗം ചിത്രീകരിക്കുകയോ ഫോട്ടോ എടുക്കുകയോ ചെയ്യുന്നത് നിയമവിരുദ്ധമാണെന്ന് സിനിമാപ്രേക്ഷകർക്ക് സിനിമ തുടങ്ങുന്നതിന് മുമ്പ് സ്‌ക്രീനിൽ ഒരു മുന്നറിയിപ്പ് നൽകുന്നുണ്ടെങ്കിലും പലരും ഇപ്പോഴും ഇക്കാര്യത്തിൽ ജാഗ്രത പാലിക്കുന്നില്ലെന്നും അധികൃതർ പറയുന്നു.
2021-ൽ യുഎഇ ഗവൺമെന്റ് പകർപ്പവകാശവും അയൽപക്ക അവകാശങ്ങളും സംബന്ധിച്ച് 2021-ലെ 38-ാം നമ്പർ ഫെഡറൽ നിയമം പുറപ്പെടുവിച്ച് 2022 ജനുവരിയിൽ പ്രാബല്യത്തിൽ വന്നിട്ടുണ്ട്.
സിനിമാ രംഗം ചിത്രീകരിക്കുകയോ ഫോട്ടോ എടുക്കുകയോ ചെയ്ത് പിടിക്കപ്പെടുന്ന കുറ്റവാളികൾക്ക് 100,000 ദിർഹം വരെ പിഴയും കൂടാതെ/അല്ലെങ്കിൽ രണ്ട് മാസം വരെ തടവും ലഭിക്കാം.
