ദുബായിൽ സർക്കാർ ഉദ്യോഗസ്ഥരെന്ന വ്യാജേന ട്രാഫിക് പിഴകൾ ഉടൻ അടക്കണമെന്ന് പറഞ്ഞ് അടുത്തിടെ വരുന്ന വ്യാജ കോളുകൾക്കും സന്ദേശങ്ങൾക്കുമെതിരെ ജാഗ്രത പാലിക്കണമെന്ന് ദുബായ് പോലീസ് വീണ്ടും താമസക്കാരെ ഓർമ്മിപ്പിച്ചു.
വിളിക്കുന്നവർ ദുബായ് പോലീസ് ജീവനക്കാരാണെന്ന് നടിച്ച് താമസക്കാരെ കബളിപ്പിച്ച് ‘പിഴ അടയ്ക്കാൻ’ ആണ് ആവശ്യപ്പെടുന്നത്. നിരവധി ദുബായ് നിവാസികൾക്ക് ട്രാഫിക് പിഴകൾ ഉടനടി അടക്കണമെന്ന് ആവശ്യപ്പെട്ട് ഒരു ഇമെയിലോ എസ്എംഎസോ ലഭിച്ചതായി റിപ്പോർട്ട് ചെയ്തിട്ടുണ്ട്, തുടർന്ന് പേയ്‌മെന്റിനുള്ള ലിങ്കും തട്ടിപ്പുകാർ അയക്കും.
പോലീസ് ഡിപ്പാർട്ട്‌മെന്റിൽ നിന്നുള്ളവരെന്ന് നടിക്കുന്ന തട്ടിപ്പുകാർ ഒന്നിലധികം തട്ടിപ്പ് കേസുകൾ ദുബായ് പോലീസ് തിരിച്ചറിഞ്ഞിട്ടുണ്ട്. ലിങ്കുകൾ വഴി പേയ്‌മെന്റുകൾ നടത്താനും നിങ്ങളുടെ വ്യക്തിഗത വിവരങ്ങൾ പങ്കിടാനും നിങ്ങളോട് ആവശ്യപ്പെടുകയാണെങ്കിൽ, നിർത്തി, അയച്ചയാളുടെ ഇമെയിൽ വീണ്ടും പരിശോധിച്ച് അത് ദുബായ് പോലീസ് ഇ-ക്രൈം സെല്ലിലോ ഞങ്ങളുടെ സോഷ്യൽ മീഡിയ ചാനലുകളിലോ റിപ്പോർട്ട് ചെയ്യാനോ അല്ലെങ്കിൽ 901 എന്ന നമ്പറിൽ വിളിക്കണമെന്നും ഔദ്യോഗിക സോഷ്യൽ മീഡിയ ചാനലുകളിൽ പോസ്റ്റ് ചെയ്ത ഒരു ബോധവൽക്കരണ സന്ദേശത്തിൽ ദുബായ് പോലീസ് പറഞ്ഞു.
Dubai Police has identified multiple fraud cases in which scammers pretended to be police members or departments.
If you are being asked to make payments via links and share your personal information, stop, verify the sender’s email again, and report it to Dubai Police ECrime,… pic.twitter.com/8DjKdd0GQw— Dubai Policeشرطة دبي (@DubaiPoliceHQ) January 5, 2024
