നാസ വികസിപ്പിച്ചുകൊണ്ടിരിക്കുന്ന ചാന്ദ്ര ഭ്രമണപഥത്തിന്റെ നിർമ്മാണ പ്രവർത്തനങ്ങൾക്ക് യുഎഇ തുടക്കമിട്ടു, ഇത് ഭാവിയിലെ ചാന്ദ്ര ദൗത്യങ്ങളിൽ പങ്കെടുക്കാൻ എമിറാത്തി ബഹിരാകാശ സഞ്ചാരികൾക്ക് വഴിയൊരുക്കും.
ബഹിരാകാശ പര്യവേക്ഷണം മെച്ചപ്പെടുത്തുന്നതിന് ലക്ഷ്യമിട്ടുള്ള ഒരു പ്രധാന അന്താരാഷ്ട്ര സഹകരണത്തിന്റെ ഭാഗമായി യുഎഇ പ്ലാൻ ചെയ്ത ലൂണാർ ഗേറ്റ്വേ സ്റ്റേഷനിലേക്ക് ഒരു എയർലോക്കും സംഭാവന ചെയ്യും. മുഹമ്മദ് ബിൻ റാഷിദ് ബഹിരാകാശ കേന്ദ്രം ഈ ആഴ്ച തന്നെ പദ്ധതിയുടെ നിർണായക ഘടകം വികസിപ്പിക്കാൻ ആരംഭിച്ചതായി ഡയറക്ടർ ജനറൽ സേലം അൽ മാരി പറഞ്ഞു.
ഹൂസ്റ്റണിലെ നാസയുടെ ജോൺസൺ സ്പേസ് സെന്ററിൽ യുഎഇ ബഹിരാകാശ ഉദ്യോഗസ്ഥർ പദ്ധതി മേധാവികളുമായി പ്രധാന ചർച്ചകൾ നടത്തിയതായും അദ്ദേഹം പറഞ്ഞു.
വികസിപ്പിച്ചുകൊണ്ടിരിക്കുന്ന എയർലോക്ക്, ബഹിരാകാശ നിലയത്തിൽ നിന്ന് പുറത്തുകടക്കാനും പ്രവേശിക്കാനും ഉപയോഗിക്കുന്ന ഒരു എയർടൈറ്റ് മുറിയാണ്. ഇത് 2028 ഓടെ നിർമ്മാണം പൂർത്തിയാകും.
This week, we started the work on the Gateway Lunar Space Station after our leadership announced the UAE's participation in the project.
We had several meetings with the Gateway team at NASA’s Johnson Space Center to coordinate the efforts, and our team at MBRSC is starting to… pic.twitter.com/9i9oS8hmh2— Salem AlMarri سالم حميد المري (@Salem_HAlMarri) January 21, 2024