അബുദാബിയിൽ ഗ്യാസ് പൊട്ടിത്തെറിയിൽ ഗുരുതരമായി പൊള്ളലേറ്റ് മൂന്ന് മാസം കോമയിൽ കഴിഞ്ഞ എത്യോപ്യൻ യുവതി ഒരു വർഷത്തെ ചികിത്സയ്ക്ക് ശേഷം ആശുപത്രി വിട്ടതായി ഷെയ്ഖ് ഷാഖ്ബൗട്ട് മെഡിക്കൽ സിറ്റിയിലെ ഡോക്ടർമാർ അറിയിച്ചു.
വീട്ടുജോലിക്കാരിയായ നസ്രിയ ഷുറെ (30) ജോലി ചെയ്തിരുന്ന കുടുംബത്തിന് പ്രഭാതഭക്ഷണം ഉണ്ടാക്കുന്നതിനിടെ അടുപ്പ് കത്തിച്ചതിനെ തുടർന്ന് തീപിടിക്കുകയായിരുന്നു. വാതക ചോർച്ച മൂലമാണ് സംഭവിച്ചതെന്ന് കരുതപ്പെടുന്ന 2023 ജനുവരിയിൽ നടന്ന ഈ അപകടത്തിൽ ഷൂറിന് ശരീരത്തിൻ്റെ 90 ശതമാനത്തോളം പൊള്ളലേറ്റിരുന്നു. സ്ഫോടനത്തിൻ്റെ ശക്തിയിൽ അടുക്കളയുടെ ജനൽച്ചില്ലുകളും തകർന്നിരുന്നു.
ഒരു വർഷത്തോളം നീണ്ട പരിചരണത്തിന് ശേഷം കഴിഞ്ഞയാഴ്ചയാണ് ഷെയ്ഖ് ഷാഖ്ബൗട്ട് മെഡിക്കൽ സിറ്റി വിട്ടത്. ഇത്രയും വലിയ പരിക്കുകളുള്ളവർ അതിജീവിക്കുന്നത് അപൂർവമാണെന്ന് അബുദാബി ആശുപത്രിയിലെ ഡോക്ടർമാർ പറഞ്ഞു.
COURTESY : The National