4,544 ടൺ ദുരിതാശ്വാസ സാമഗ്രികളുമായി യുഎഇയുടെ രണ്ടാമത്തെ സഹായ കപ്പൽ ഇന്നലെ ഫുജൈറയിൽ നിന്ന് ഗാസയിലേക്ക് പുറപ്പെട്ടതായി അധികൃതർ അറിയിച്ചു. ഈജിപ്തിലെ അൽ അരിഷ് നഗരത്തിലേക്കാണ് ദുരിതാശ്വാസ സാമഗ്രികൾ എത്തിച്ചേരുക.
ഫലസ്തീൻ ജനതയെ പിന്തുണയ്ക്കുന്നതിനായി പ്രസിഡൻ്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഉത്തരവിട്ട ‘ഗാലൻ്റ് നൈറ്റ് 3’ മാനുഷിക പ്രവർത്തനത്തിൻ്റെ ഭാഗമാണ് ഈ കയറ്റുമതി.
