ഇന്നലെ തിങ്കളാഴ്‌ച രാത്രി 11.20 ന് ദുബായിലേക്ക് പുറപ്പെടേണ്ട സ്പൈസ് ജെറ്റ് വിമാനം സാങ്കേതിക തകരാറിനെത്തുടർന്ന് പുറപ്പെടാത്തതിനെ ചൊല്ലി നെടുമ്പാശ്ശേരി വിമാനതാവളത്തിൽ യാത്രക്കാരുടെ ബഹളം.
വിമാനം ഇന്ന് ചൊവ്വാഴ്ച്ച രാവിലെ എട്ടിന് പുറപ്പെടുമെന്നാണ് ആദ്യം അറിയിച്ചത്. അതിനാൽ മറ്റ് വിമാനങ്ങളിൽ പകരം ടിക്കറ്റിന് യാത്രക്കാർ ശ്രമിച്ചില്ല. ഇതുവരെയും ആയിട്ടും വിമാനം പുറപ്പെടാതെയായപ്പോൾ യാത്രക്കാർ പ്രകോപിതരാകുകയായിരുന്നു. എന്നാൽ ഇന്ന് രാത്രി 8.30 ന് യാത്രക്കാരെ ദുബായിലേക്ക് കൊണ്ടുപോകുമെന്നാണ് ഇപ്പോൾ സ്പൈസ് ജെറ്റ് അധികൃതർ പറയുന്നത്.
