എമിറേറ്റ്സ് എയർലൈൻ ദുബായ് ഇൻ്റർനാഷണൽ എയർപോർട്ടിലെ (DXB) ഫസ്റ്റ് ക്ലാസ് ചെക്ക്-ഇൻ ഏരിയ നവീകരണത്തിനായി താൽകാലികമായി അടച്ചിട്ടിരിക്കുകയാണെന്ന് അധികൃതർ അറിയിച്ചു. 2025 ജൂൺ വരെ, ദുബായ് ഇൻ്റർനാഷണൽ എയർപോർട്ടിലെ ഫസ്റ്റ് ക്ലാസ് ചെക്ക്-ഇൻ ഏരിയ അടഞ്ഞ് കിടക്കും.
നവീകരണം കഴിയുമ്പോൾ ആഡംബരപൂർണമായ സ്വകാര്യ ലോഞ്ചിൽ നിന്ന് ചെക്ക് ഇൻ ചെയ്യാൻ കഴിയുമെന്ന് എമിറേറ്റ്സ് പറഞ്ഞു. അതേസമയം, യുഎസിലേക്കും മറ്റ് ലക്ഷ്യസ്ഥാനങ്ങളിലേക്കും പോകുന്ന യാത്രക്കാർക്ക് ടെർമിനൽ 3-ലെ ചെക്ക്-ഇൻ ഡെസ്‌ക്കുകൾ ഉപയോഗിക്കാമെന്ന് എയർലൈൻ അറിയിച്ചു.
