യുഎഇ ആസ്ഥാനമായുള്ള ബ്ലോഗർമാരെയും സാമ്പത്തിക ഉപദേശം നൽകുന്ന വ്ലോഗർമാരെയും ഇനി മുതൽ നിയന്ത്രിക്കും
യുഎഇയിൽ ഡിജിറ്റൽ പ്ലാറ്റ്‌ഫോമുകളിലൂടെ സാമ്പത്തിക ഉപദേശം നൽകുന്ന ഇൻഫ്ളുവൻസേഴ്സ് പുതിയ ‘ഫിൻഫ്ലുവൻസർ’ ലൈസൻസ് എടുക്കണമെന്ന് യുഎഇ റെഗുലേറ്ററായ സെക്യൂരിറ്റീസ് & കമ്മോഡിറ്റീസ് അതോറിറ്റി നിർദ്ദേശിച്ചു. മിഡിൽ ഈസ്റ്റിൽ പുറത്തിറക്കിയിരിക്കുന്ന ആദ്യത്തെ ഈ ‘ഫിൻഫ്ലുവൻസർ’ ലൈസൻസ് ഡിജിറ്റൽ സാമ്പത്തിക ഉള്ളടക്കത്തിന്റെ മേൽനോട്ടം വഹിക്കാൻ ലക്ഷ്യമിട്ടുള്ളതാണ്.
“ഡിജിറ്റൽ പ്ലാറ്റ്‌ഫോമുകളിലുടനീളം നിക്ഷേപ വിശകലനം, ശുപാർശകൾ, സാമ്പത്തിക പ്രമോഷനുകൾ എന്നിവ വാഗ്ദാനം ചെയ്യുന്ന വ്യക്തികൾക്കായി വ്യക്തമായ ഒരു ഭരണ ചട്ടക്കൂട് സ്ഥാപിക്കുക എന്നതാണ് ഈ വിപ്ലവകരമായ സംരംഭത്തിന്റെ ലക്ഷ്യമെന്ന് അതോറിറ്റി പ്രസ്താവനയിൽ പറയുന്നു.
