ടെൽ അവീവിലേക്കും തിരിച്ചുമുള്ള എല്ലാ വിമാനങ്ങളുടെയും സസ്പെൻഷൻ 2025 ജൂൺ 19 വരെ നീട്ടുന്നതായി എയർ ഇന്ത്യ അറിയിച്ചു.
ജൂൺ 19 വരെ ടെൽ അവീവിലേക്കും തിരിച്ചുമുള്ള ഞങ്ങളുടെ വിമാന സർവീസുകൾ നിർത്തിവച്ചിരിക്കും. ഈ തീയതി വരെ ടിക്കറ്റുകൾ എടുത്തിട്ടുള്ള ഉപഭോക്താക്കൾക്ക് റീഷെഡ്യൂളിംഗ് ചാർജുകളിൽ ഒറ്റത്തവണ ഇളവ് അല്ലെങ്കിൽ റദ്ദാക്കലുകൾക്ക് പൂർണ്ണ റീഫണ്ട് വാഗ്ദാനം ചെയ്യും,” എയർലൈൻ എക്സ് അക്കൗണ്ടിലൂടെ അറിയിച്ചു.
ഇസ്രായേലിന്റെ പ്രധാന ടെർമിനൽ 3 ലെ കൺട്രോൾ ടവറിൽ നിന്ന് ഏതാനും നൂറ് വാര അകലെയുള്ള ഒരു ആക്‌സസ് റോഡിന് സമീപം യെമനിൽ നിന്ന് ഹൂത്തികൾ തൊടുത്തുവിട്ട ബാലിസ്റ്റിക് മിസൈൽ പതിച്ചതിനെത്തുടർന്ന് സുരക്ഷാ ആശങ്കകൾ വർദ്ധിച്ചതിനെ തുടർന്നാണ് എയർ ഇന്ത്യയുടെ ഈ തീരുമാനം.
