ദുബായിലെ അൽ ഖവാനീജ് 2 പരിസരത്ത് പുതിയ ഷോപ്പിംഗ് മാൾ തുറന്നു. യുഎഇയിലെ ഏറ്റവും വലിയ ഉപഭോക്തൃ സഹകരണ സ്ഥാപനമായ യൂണിയൻ കോപ്പ് ഇന്ന് വ്യാഴാഴ്ച ദുബായിൽ അൽ ഖവാനീജ് മാൾ ഉദ്ഘാടനം ചെയ്തു.
ദുബായിലെ പ്രീമിയം റെസിഡൻഷ്യൽ കമ്മ്യൂണിറ്റികളിലൊന്നിന്റെ ഹൃദയഭാഗത്തുള്ള “ആധുനിക റീട്ടെയിൽ ഡെസ്റ്റിനേഷനിൽ” യൂണിയൻ കോപ്പിന്റെ 29-ാമത്തെ ശാഖയും പ്രവർത്തിക്കുമെന്ന് പ്രസ്താവനയിൽ അറിയിച്ചു. മുഹമ്മദ് ബിൻ റാഷിദ് ഹൗസിംഗ് എസ്റ്റാബ്ലിഷ്‌മെന്റുമായി (MRHE) സഹകരിച്ചാണ് മാൾ വികസിപ്പിച്ചത്.
വികസനത്തിന് ആധാരമായി പ്രവർത്തിക്കുന്ന ഒരു അത്യാധുനിക ഹൈപ്പർമാർക്കറ്റാണ് ഇതിന്റെ കേന്ദ്രബിന്ദു. റീട്ടെയിൽ ഔട്ട്‌ലെറ്റുകൾ, സർവീസ് സെന്ററുകൾ, കുട്ടികളുടെ നഴ്‌സറി, ഒരു ENOC സർവീസ് സ്റ്റേഷൻ എന്നിവയും ഈ മാളിനൊപ്പം ഉണ്ട്.
