എയർ ഇന്ത്യ വിമാനത്തിൽ തീപിടിച്ചു. ഹോങ്കോങ് – ദില്ലി എയർ ഇന്ത്യ (AI 315) വിമാനത്തിലാണ് തീപിടുത്തം ഉണ്ടായത്. ദില്ലി വിമാനത്താവളത്തിൽ ലാൻഡ് ചെയ്തതിന് പിന്നാലെയാണ് തീപിടുത്തം. വിമാനം ലാൻഡ് ചെയ്ത് ഗേറ്റിൽ നിർത്തിയ സമയം ഓക്സിലറി പവർ യൂണിറ്റിൽ തീപിടുത്തം ഉണ്ടായെന്നാണ് വിവരം.
”2025 ജൂലൈ 22-ന് ഹോങ്കോങ്ങിൽ നിന്ന് ഡൽഹിയിലേക്ക് സർവീസ് നടത്തിയിരുന്ന AI315 വിമാനം ലാൻഡ് ചെയ്ത് ഗേറ്റിൽ പാർക്ക് ചെയ്തതിന് തൊട്ടുപിന്നാലെ ഓക്സിലറി പവർ യൂണിറ്റിൽ (APU) തീപിടുത്തമുണ്ടായി. യാത്രക്കാർ ഇറങ്ങാൻ തുടങ്ങിയപ്പോഴാണ് സംഭവം നടന്നത്, സിസ്റ്റം ഡിസൈൻ അനുസരിച്ച് APU യാന്ത്രികമായി ഷട്ട്ഡൗൺ ചെയ്യപ്പെട്ടു. വിമാനത്തിന് ചില കേടുപാടുകൾ സംഭവിച്ചു, എന്നിരുന്നാലും, യാത്രക്കാരും ജീവനക്കാരും സാധാരണഗതിയിൽ ഇറങ്ങി, അവർ സുരക്ഷിതരാണ്. കൂടുതൽ അന്വേഷണങ്ങൾക്കായി വിമാനം നിലത്തിറക്കുകയും റെഗുലേറ്ററെ അറിയിക്കുകയും ചെയ്തിട്ടുണ്ട്” എയർ ഇന്ത്യ എക്‌സിലൂടെ അറിയിച്ചു.
Flight AI315, operating from Hong Kong to Delhi on 22 July 2025, experienced an auxiliary power unit (APU) fire shortly after it had landed and parked at the gate. The incident occurred while passengers had begun disembarking, and the APU was automatically shut down as per system…
— Air India (@airindia) July 22, 2025
