യുഎഇ അനുസ്മരണ ദിനം ഇന്ന്. രാജ്യത്തെ സേവിക്കുന്നതിനിടെ നിസ്വാർത്ഥമായി ജീവൻ നൽകിയവരുടെ ത്യാഗത്തിനും ധീരതയ്ക്കും യുഎഇയുടെ അനുസ്മരണ ദിനത്തിൽ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ആദരാഞ്ജലി അർപ്പിച്ചു.
എല്ലാ വർഷവും നവംബർ 30 ന് ആചരിക്കുന്ന അനുസ്മരണ ദിനത്തോടനുബന്ധിച്ച് പുറത്തിറക്കിയ പ്രസ്താവനയിൽ, ഈ ദിനം രാജ്യത്തിന്റെ നേതൃത്വത്തെയും ജനങ്ങളെയും ഒരുമിച്ച് നന്ദിയും ആദരവും നിറഞ്ഞ ഒരു നിമിഷത്തിലേക്ക് കൊണ്ടുവരുന്നുവെന്ന് ഷെയ്ഖ് മുഹമ്മദ് പറഞ്ഞു. എല്ലാ വർഷവും, മാതൃരാജ്യത്തെയും അതിന്റെ മൂല്യങ്ങളെയും സംരക്ഷിക്കാൻ ജീവൻ നൽകിയവരെ ആദരിക്കുന്നതിൽ എമിറാത്തികൾ ഐക്യത്തോടെ നിലകൊള്ളുന്നുണ്ടെന്ന് അദ്ദേഹം പറഞ്ഞു.
രാജ്യത്തെ സംരക്ഷിക്കുന്നതിനായി ജീവൻ നഷ്ടപ്പെട്ട സായുധ സേനാംഗങ്ങളെ ആദരിക്കുന്നതിനായി എല്ലാ വർഷവും നവംബർ 30 നാണ് യുഎഇ അനുസ്മരണ ദിനമായി ആചരിക്കുന്നത്.
