ഇറാൻ പിന്തുണയുള്ള ലെബനീസ് ഗ്രൂപ്പായ ഹിസ്ബുള്ളയുടെ നേതാവ് നയിം ഖാസിമിനെ ബെയ്റൂട്ടിൽ രാത്രിയിൽ നടത്തിയ ആ ക്ര മണത്തിൽ കൊ ല പ്പെടുത്തിയതായി ഇസ്രായേൽ അവകാശപ്പെട്ടു.
ഹിസ്ബുള്ള സ്ഥിരീകരിച്ചാൽ, അദ്ദേഹത്തിന്റെ മരണം സായുധ സംഘത്തിനും മിഡിൽ ഈസ്റ്റിലെ ഇറാന്റെ പ്രധാന സഖ്യകക്ഷികളിൽ ഒന്നായ ടെഹ്റാനും വലിയ തിരിച്ചടിയാകും. 2024-ൽ, ഖാസിമിന്റെ മുൻഗാമിയും മുതിർന്ന നേതാവുമായ ഹസ്സൻ നസ്രല്ലയെ ബെയ്റൂട്ടിലെ ഒരു പ്രാന്തപ്രദേശത്ത് നടത്തിയ വ്യോമാക്രമണത്തിൽ ഇസ്രായേൽ കൊലപ്പെടുത്തി. പലസ്തീൻ ഇസ്ലാമിക തീവ്രവാദ ഗ്രൂപ്പായ ഹമാസിനെ പിന്തുണച്ച് ഹിസ്ബുള്ള അതിർത്തിയിലെ ഇസ്രായേലി സ്ഥാനങ്ങൾക്ക് നേരെ വെടിയുതിർത്തതോടെയാണ് ഇസ്രയേലും ലെബനാനും തമ്മിൽ സംഘർഷം ആരംഭിച്ചത്.
ലെബനനിൽ ഇസ്രയേൽ ആക്രമണം തുടരുകയാണെങ്കിൽ യു എസ് – ഇസ്രായേലുമായുള്ള വെടിനിർത്തൽ കരാറിൽനിന്ന് പിന്മാറുമെന്ന് ഇറാൻ ഭീഷണി മുഴക്കിയിരുന്നു. ഇതിന് ശേഷവും ഇസ്രായേൽ ലെബനനിൽ കനത്ത ആക്രമണമാണ് നടത്തിയത്. ആക്രമണത്തിൽ ലെബനനിൽ 254 പേർ കൊല്ലപ്പെടുകയും 1165 പേർക്ക് പരിക്കേറ്റതായും അൽജസീറ റിപ്പോർട്ട് ചെയ്തു.
