യുഎ ഇയുടെ ചില വടക്കൻ മേഖലകളിൽ ഇന്ന് ജൂലൈ 21 ചൊവ്വാഴ്ച ഭാഗികമായി മേഘാവൃതമായോ (Partly cloudy) പൂർണ്ണമായും മേഘാവൃതമായോ ഉള്ള അന്തരീക്ഷമായിരിക്കും അനുഭവപ്പെടുകയെന്ന് ദേശീയ കാലാവസ്ഥാ കേന്ദ്രം അറിയിച്ചു. ചില തീരദേശ മേഖലകളിൽ (Coastal areas) മുൻ ദിവസങ്ങളെ അപേക്ഷിച്ച് താപനിലയിൽ നേരിയ കുറവുണ്ടാകും.
അബുദാബി, ദുബായ് എന്നിവിടങ്ങളിൽ ഉയർന്ന താപനില 42°C വരെയും ഷാർജയിൽ 41°C വരെയും ഉയരാൻ സാധ്യതയുണ്ട്. കുറഞ്ഞ താപനില അബുദാബിയിൽ 32°C, ദുബായിലും ഷാർജയിലും 31°C എന്നിങ്ങനെയായിരിക്കും.
തെക്കുപടിഞ്ഞാറൻ/വടക്കുപടിഞ്ഞാറൻ ദിശയിൽ നിന്ന് മണിക്കൂറിൽ 10 മുതൽ 25 കി.മീ വേഗതയിൽ ഇടത്തരം കാറ്റ് വീശാൻ സാധ്യതയുണ്ട്. കാറ്റിന്റെ വേഗത ചില സമയങ്ങളിൽ മണിക്കൂറിൽ 40 കി.മീ വരെ ഉയരാൻ ഇടയുള്ളതിനാൽ പൊടിക്കാറ്റിനും (Blowing dust) സാധ്യതയുണ്ട്.
അറബിക്കടലിന്റെ (Arabian Gulf) പടിഞ്ഞാറൻ ഭാഗങ്ങളിൽ കടൽ നേരിയ തോതിലോ ഇടത്തരമായോ പ്രക്ഷുബ്ധമാകാൻ സാധ്യതയുണ്ട്. എന്നാൽ ഒമാൻ കടലിൽ (Oman Sea) കടൽ ശാന്തമായിരിക്കും.
