ഫുജൈറയിലെ മസാഫി ഏരിയയെ ദിബ്ബ-മസാഫി സ്ട്രീറ്റുമായി ബന്ധിപ്പിക്കുന്ന റോഡിൽ ഇന്ന് ശനിയാഴ്ച നടന്ന ഒരു വാഹനാപകടത്തിൽ 19 വയസ്സുള്ള ഒരു യുഎഇ സ്വദേശിയും 28 വയസ്സുള്ള സ്വദേശിനിയും മരിച്ചു.
മസാഫി റൗണ്ട് എബൗട്ടിന് സമീപം കാറുകളിലൊന്ന് തെറ്റായി മറികടന്നതിനെത്തുടർന്ന് രണ്ട് വാഹനങ്ങൾ തമ്മിൽ കൂട്ടിയിടിച്ചാണ് അപകടമുണ്ടായതെന്ന് ഫുജൈറ പോലീസിലെ ട്രാഫിക് ആൻഡ് പട്രോളിംഗ് വിഭാഗം ഡയറക്ടർ കേണൽ സാലിഹ് മുഹമ്മദ് അബ്ദുല്ല അൽ ദൻഹാനി പറഞ്ഞു. ഉടൻ തന്നെ സംഭവസ്ഥലത്തേക്ക് പോലീസ് ട്രാഫിക് പട്രോളിംഗിനെയും ആംബുലൻസിനേയും വേഗത്തിൽ വിന്യസിച്ചിരുന്നു. നിയമനടപടികൾ പൂർത്തിയാക്കുന്നതിനായി മൃതദേഹങ്ങൾ ഉടൻ തന്നെ ആശുപത്രിയിലേക്ക് കൊണ്ടുപോയി.
