ജലമലിനീകരണം കുറയ്ക്കുന്നതിനുള്ള പ്രധാന ശുചീകരണ യജ്ഞത്തിന്റെ ഭാഗമായി ഈ വർഷം ഇതുവരെ ദുബായ് ക്രീക്കിൽ നിന്ന് ഒമ്പത് തടി ബോട്ടുകളും വാണിജ്യ കപ്പലുകളടക്കം 820 ടൺ കടൽ മാലിന്യങ്ങൾ വീണ്ടെടുത്ത് നീക്കം ചെയ്തതായി ദുബായ് മുനിസിപ്പാലിറ്റി അറിയിച്ചു.
ഇക്കോ സംരംഭത്തിന് കീഴിൽ അടുത്ത വർഷം അവസാനത്തോടെ പ്രധാന ജലപാതകളിൽ നിന്ന് ഉപേക്ഷിക്കപ്പെട്ട 11 ബോട്ടുകൾ കൂടി നീക്കം ചെയ്യാൻ പദ്ധതിയിടുന്നതായി ദുബായ് മുനിസിപ്പാലിറ്റി അറിയിച്ചു.
ദുബായ് വാട്ടർ കനാൽ, ബിസിനസ് ബേ കനാൽ, ജദ്ദാഫ് എന്നിവയുൾപ്പെടെ മറ്റ് മേഖലകൾ ലക്ഷ്യമിട്ട് അതോറിറ്റിയുടെ മാലിന്യ പ്രവർത്തന വിഭാഗത്തിന്റെ പ്രചാരണം എമിറേറ്റിലുടനീളം നടത്തുന്നുണ്ട്.
