ഇന്ത്യയുടെ ബജറ്റ് എയർലൈനായ ഇൻഡിഗോ അടുത്ത മാസം മുതൽ അബുദാബിക്കും കണ്ണൂരിനുമിടയിൽ പുതിയ നേരിട്ടുള്ള ഫ്ലൈറ്റുകൾ ആരംഭിക്കും.
മെയ് 9 മുതലാണ് അബുദാബി – കണ്ണൂർ നോൺ-സ്റ്റോപ്പ് പ്രതിദിന വിമാനസർവീസുകൾ ആരംഭിക്കുക. കണ്ണൂരിൽ നിന്ന് പുലർച്ചെ 12.40ന് പുറപ്പെടുന്ന വിമാനം പുലർച്ചെ 2.35ന് അബുദാബിയിലെത്തും. തിരിച്ചുള്ള വിമാനം അബുദാബിയിൽ നിന്ന് പുലർച്ചെ 3.45ന് പുറപ്പെട്ട് 8.40ന് കണ്ണൂരിലെത്തും.
ഈ ഫ്ലൈറ്റ് സർവീസുകൾ അല്ലാതെ ഇൻഡിഗോ ഇന്ത്യയിലെ 8 നഗരങ്ങളിൽ നിന്ന് അബുദാബിയിലേക്ക് 56 പ്രതിവാര ഫ്ലൈറ്റുകൾ നടത്തും.
