ചൈനയിൽ നിർമ്മിക്കുന്ന കൂടുതൽ ഇലക്ട്രിക് വാഹനങ്ങളും പറക്കും കാറുകളും ഉടൻ തന്നെ യുഎഇയിൽ എത്തുമെന്ന് പ്രതീക്ഷിക്കുന്നതായി പുതുതായി നിയമിതനായ ചൈനീസ് കോൺസൽ ജനറൽ ഔ ബോക്യാൻ അറിയിച്ചു. ഖലീജ് ടൈംസ് ആണ് ഇക്കാര്യം റിപ്പോർട്ട് ചെയ്തിരിക്കുന്നത്.
യുഎഇയും ചൈനയും തമ്മിലുള്ള ബന്ധം എല്ലാ മേഖലകളിലും വളരുകയാണ്. ഞങ്ങളുടെ ഉഭയകക്ഷി ബന്ധത്തിൻ്റെ 40-ാം വാർഷികം ആഘോഷിക്കുന്ന വേളയിൽ, നവീകരണത്തിൻ്റെയും സാങ്കേതിക വിദ്യയുടെയും മേഖലയിൽ – പ്രത്യേകിച്ച്, പുതിയതും പുനരുപയോഗിക്കാവുന്നതുമായ ഊർജ്ജം, ഭാവി ഗതാഗതം എന്നിവയിൽ കൂടുതൽ വളർച്ച കാണുന്നുവെന്ന് അദ്ദേഹം പറഞ്ഞു.
ചൈനീസ് നിർമ്മിത ഇവികളുടെയും പറക്കും കാറുകളുടെയും കുത്തൊഴുക്കോടെ യുഎഇയുടെ വൈവിധ്യവൽക്കരണവും സാമ്പത്തിക സുസ്ഥിരതയും വർധിപ്പിക്കും.
