യുഎഇ വിമാനക്കമ്പനികളായ എമിറേറ്റ്സ്, ഇത്തിഹാദ് എയർവേയ്സ് എന്നിവ ഇസ്രായേൽ, ജോർദാൻ, ബെയ്റൂട്ട് എന്നിവിടങ്ങളിലേക്ക് വ്യോമപാത താൽക്കാലികമായി അടച്ചിട്ടതിനെത്തുടർന്ന് നിർത്തിവെച്ച പ്രവർത്തനം ഇന്ന് ഞായറാഴ്ച ഉച്ചതിരിഞ്ഞ് പുനരാരംഭിച്ചു.
ഏപ്രിൽ 13 ന് വൈകുന്നേരം മുതൽ ഏപ്രിൽ 14 ന് രാവിലെ വരെ മേഖലയിൽ താൽക്കാലിക വ്യോമപാത അടച്ചതിനാൽ എമിറേറ്റ്സ് ചില വിമാനങ്ങൾ റദ്ദാക്കുകയും മറ്റുള്ളവ വഴിതിരിച്ചുവിടുകയും ചെയ്തതായി എമിറേറ്റ്സ് വക്താവ് അറിയിച്ചിരുന്നു.
ഇസ്രായേലിലും ജോർദാനിലും മിഡിൽ ഈസ്റ്റിൻ്റെ മറ്റ് ഭാഗങ്ങളിലും വ്യോമപാത വീണ്ടും തുറന്നതിനെത്തുടർന്ന്, അബുദാബി (AUH), ടെൽ അവീവ് (TLV), അബുദാബി എന്നിവിടങ്ങളിൽ ഷെഡ്യൂൾ ചെയ്ത പാസഞ്ചർ, കാർഗോ സർവീസുകൾ നടത്തുമെന്ന് എത്തിഹാദ് എയർവേസ് വക്താവ് അറിയിച്ചു.