ദുബായ്: അമിത വേഗതയിൽ വാഹനമോടിച്ച ഡ്രൈവറെ അറസ്റ്റ് ചെയ്ത് ദുബായ് പോലീസ്. ശൈഖ് മുഹമ്മദ് ബിൻ സായിദ് റോഡിലൂടെ (E311) അമിത വേഗതയിൽ വാഹനമോടിച്ചയാളാണ് അറസ്റ്റിലായത്. 220 കിലോമീറ്റർ വേഗതയിലായിരുന്നു ഡ്രൈവർ വാഹനമോടിച്ചത്.
ഡ്രൈവറെ അറസ്റ്റ് ചെയ്ത പോലീസ് 50,000 ദിർഹം പിഴ ചുമത്തുകയും ചെയ്തു. വാഹനം കണ്ടുകെട്ടിയതായും ദുബായ് പോലീസ് അറിയിച്ചു. വാഹനം അമിത വേഗതയിൽ കുതിച്ചു പായുന്ന ദൃശ്യങ്ങൾ ദുബായ് പോലീസ് പുറത്തുവിട്ടു.
തുടർ നിയമനടപടികൾക്കായി കേസ് പബ്ലിക് പ്രോസിക്യൂഷന് കൈമാറി.v
