കള്ളപ്പണം വെളുപ്പിക്കൽ വിരുദ്ധ നിയമത്തിൻ്റെ ലംഘനത്തെത്തുടർന്ന് യുഎഇ സെൻട്രൽ ബാങ്ക് (CBUAE) അൽ റസൂക്കി എക്‌സ്‌ചേഞ്ചിൻ്റെ ബിസിനസ് പ്രവർത്തനങ്ങൾ മൂന്ന് വർഷത്തേക്ക് താൽക്കാലികമായി നിർത്തിവച്ചതായി ഇന്ന് വെള്ളിയാഴ്ച പ്രഖ്യാപിച്ചു. കമ്പനിയുടെ രണ്ട് ബ്രാഞ്ചുകളും അടപ്പിച്ചിട്ടുണ്ട് .
കള്ളപ്പണം വെളുപ്പിക്കൽ തടയുന്നതിനും തീവ്രവാദത്തിനും നിയമവിരുദ്ധ സംഘടനകൾക്കും ധനസഹായം നൽകുന്നതിനെതിരെയും ഫെഡറൽ ഡിക്രി നിയമപ്രകാരമുള്ള ബാധ്യതകൾ നിറവേറ്റുന്നതിൽ മണി എക്‌സ്‌ചേഞ്ച് ഹൗസ് പരാജയപ്പെട്ടതായി സിബിയുഎഇ അന്വേഷണത്തിൽ കണ്ടെത്തി.
