ദുബായ് അൽ അവീർ II ലെ പുതിയ ഫാമിലി പാർക്ക് ഇന്ന് വ്യാഴാഴ്ച പൊതുജനങ്ങൾക്കായി തുറന്നുകൊടുത്തതായി ദുബായ് മുനിസിപ്പാലിറ്റി അറിയിച്ചു. 10,500 ചതുരശ്ര മീറ്റർ വിസ്തീർണ്ണമുള്ള പാർക്ക് വിനോദ, സേവന സൗകര്യങ്ങളുള്ള തുറസ്സായ ഹരിത ഇടങ്ങളെ സമന്വയിപ്പിക്കുന്നതാണെന്ന് ദുബായ് മുനിസിപ്പാലിറ്റി പറഞ്ഞു.
പാർക്ക് വേലിയില്ലാത്തതിനാൽ, എല്ലാ സന്ദർശകർക്കും സൗജന്യ പ്രവേശനം നൽകുന്നുണ്ട്. ദുബായുടെ ഭൂമിശാസ്ത്രപരവും പാരിസ്ഥിതികവുമായ സത്തയെ പ്രതിഫലിപ്പിക്കുന്ന അൽ അവീർ II പ്രദേശത്തിൻ്റെ ഗ്രാമീണ മനോഹാരിതയിൽ നിന്നും പ്രകൃതിദത്തമായ അന്തരീക്ഷത്തിൽ നിന്നും പ്രചോദനം ഉൾക്കൊണ്ടാണ് പാർക്കിൻ്റെ രൂപകല്പനയെന്ന് പൗരസമിതി പറഞ്ഞു.
