2025 ന്റെ ആദ്യ പാദത്തിൽ ആഭ്യന്തരമായും അന്തർദേശീയമായും കരയിലും കടലിലും 168 തിരച്ചിൽ, രക്ഷാപ്രവർത്തനങ്ങൾ നടത്തിയതായി യുഎഇ നാഷണൽ ഗാർഡ് കമാൻഡ് അറിയിച്ചു.
ജനുവരി 1 നും മാർച്ച് 31 നും ഇടയിൽ നടത്തിയ ഈ ദൗത്യങ്ങൾ, ‘സമൂഹ വർഷ’ സംരംഭത്തിന്റെ ഭാഗമായി അടിയന്തര സാഹചര്യങ്ങളിലും പ്രതിസന്ധി ഘട്ടങ്ങളിലും ദ്രുത പ്രതികരണ ശേഷി വർദ്ധിപ്പിക്കുന്നതിനുള്ള നാഷണൽ ഗാർഡിന്റെ പ്രതിബദ്ധതയെയാണ് അടിവരയിടുന്നത്.
അറേബ്യൻ ഗൾഫിലെയും ഒമാൻ ഉൾക്കടലിലെയും ജലാശയങ്ങളിൽ 23 തിരച്ചിൽ, രക്ഷാ ദൗത്യങ്ങൾ നടത്തി, തീരസംരക്ഷണ സേന നിർണായക പങ്ക് വഹിച്ചു. നാഷണൽ സെർച്ച് ആൻഡ് റെസ്‌ക്യൂ സെന്റർ ബന്ധപ്പെട്ട അധികാരികളുമായി സഹകരിച്ച് 145 പ്രവർത്തനങ്ങൾക്ക് നേതൃത്വം നൽകി, അതിൽ 34 സെർച്ച് ആൻഡ് റെസ്‌ക്യൂ ദൗത്യങ്ങളും മെഡിക്കൽ ഒഴിപ്പിക്കലുകളും ഉൾപ്പെടുന്നു.
