ദുബായിൽ സൈക്കോട്രോപിക് ലഹരിവസ്തുക്കളുടെ സ്വാധീനത്തിൽ വാഹനമോടിക്കൽ, ഗതാഗത തടസ്സം സൃഷ്ടിച്ച് വാഹനമോടിക്കൽ, വ്യക്തിഗത ഉപയോഗത്തിനായി മയക്കുമരുന്ന് കൈവശം വയ്ക്കൽ എന്നീ കുറ്റങ്ങൾക്ക് 23 കാരനായ ഗൾഫ് പൗരന് 10,000 ദിർഹം പിഴയും, ഡ്രൈവിംഗ് ലൈസൻസ് മൂന്ന് മാസം സസ്പെൻഷനും വിധിച്ചു.
ദുബായ് അൽ ഖവാനീജിലെ ഒരു ആശുപത്രിക്ക് പിന്നിൽ തെറ്റായ വഴിയിലൂടെ ഒരു ഡ്രൈവർ അസാധാരണ അവസ്ഥയിൽ ഡ്രൈവ് ചെയ്യുന്നത് പോലീസ് പട്രോളിംഗ് സംഘത്തിന്റെ ശ്രദ്ധയിൽപ്പെടുകയായിരുന്നു.
തുടർന്ന് വാഹനത്തിൽ നടത്തിയ പരിശോധനയിൽ സിറിഞ്ചുകൾ, സൈക്കോട്രോപിക് ലഹരിവസ്തുക്കളായി തരംതിരിച്ച നാല് കാപ്സ്യൂളുകൾ, മറ്റൊരു പദാർത്ഥത്തിന്റെ ഒരു ഗുളിക, പ്ലാസ്റ്റിക് ബാഗിലും പേപ്പർ പൊതിയലിലും മെത്താംഫെറ്റാമൈനിന്റെ അംശം, മയക്കുമരുന്ന് ഉപയോഗവുമായി ബന്ധപ്പെട്ട മറ്റ് വസ്തുക്കളും കണ്ടെത്തി.
