ഷാർജ: എത്തിഹാദ് റെയിൽ അടിസ്ഥാന സൗകര്യ വികസനത്തിന്റെ ഭാഗമായി ഷാർജ ഗ്രാൻഡ് മോസ്കിന് സമീപമുള്ള ഒരു പ്രധാന ഇന്റർചേഞ്ച് താൽക്കാലികമായി ഗതാഗതത്തിനായി അടച്ചതായി ഷാർജ റോഡ്സ് ആൻഡ് ട്രാൻസ്പോർട്ട് അതോറിറ്റി അറിയിച്ചു.
ഇന്ന് വെള്ളിയാഴ്ച അർദ്ധരാത്രി ആരംഭിക്കുന്ന അടച്ചിടൽ, വ്യാവസായിക, റെസിഡൻഷ്യൽ മേഖലകളെ ബന്ധിപ്പിക്കുന്ന പ്രധാന പാതയായ എമിറേറ്റ്സ് റോഡ് (E611) മുതൽ മലിഹ റോഡ് (S116) വരെയുള്ള എക്സിറ്റ് റാമ്പിനെ ബാധിക്കും
48 മണിക്കൂർ തടസ്സം തുടരുമെന്നും ഞായറാഴ്ച വൈകിട്ടുവരെ സാധാരണ ഗതാഗതം പുനഃസ്ഥാപിക്കുമെന്നും അധികൃതർ അറിയിച്ചു. സെൻട്രൽ ഷാർജയിലേക്കും മലേഹയിലേക്കും പോകുന്ന വാഹനമോടിക്കുന്നവർ ഖോർഫക്കാൻ റോഡ് (S142), ഷെയ്ഖ് മുഹമ്മദ് ബിൻ സായിദ് റോഡ് (E311) എന്നിവയുൾപ്പെടെയുള്ള ഇതര റൂട്ടുകൾ ഉപയോഗിക്കണമെന്ന് നിർദ്ദേശിച്ചിട്ടുണ്ട്
