നമ്പർ ലൈസൻസ് പ്ലേറ്റ് ഊരിമാറ്റി അമിത വേഗതയിൽ ചുവന്ന സിഗ്നൽ മറികടന്ന് വാഹനമോടിച്ച ഡ്രൈവറെ ദുബായ് പോലീസ് അറസ്റ്റ് ചെയ്ത് വാഹനം പിടിച്ചെടുത്തു. ഈ ഡ്രൈവർ സ്വന്തം ജീവനും മാറ്റമുള്ളവരുടെ ജീവനും അപകടത്തിലാക്കുകയും ഗതാഗത നിയമങ്ങൾ ലംഘിക്കുകയും ചെയ്തതായിപോലീസ് പറഞ്ഞു.
വാഹനത്തിന്റെ മുൻവശത്തെ ലൈസൻസ് പ്ലേറ്റ് ഡ്രൈവർ മനഃപൂർവ്വം നീക്കം ചെയ്തതായി അതോറിറ്റി അറിയിച്ചു. ദുബായ് പോലീസ് പുറത്തുവിട്ട ദൃശ്യങ്ങളിൽ മുൻവശത്തെ ലൈസൻസ് പ്ലേറ്റ് ഇല്ലാത്ത റോഡിലൂടെ കാർ അതിവേഗം പായുന്നത് കാണാം. ഡ്രൈവറുടെ പ്രവൃത്തി ഗതാഗത നിയമങ്ങളുടെ ലംഘനം മാത്രമല്ല, ഗുരുതരമായ പ്രത്യാഘാതങ്ങൾക്ക് കാരണമാകുമായിരുന്ന പെരുമാറ്റവുമാണെന്ന് പോലീസ് പറഞ്ഞു.
