ഹോർമൂസ് കടലിടുക്കിലൂടെ (Strait of Hormuz) കടന്നുപോകാൻ ആഗ്രഹിക്കുന്ന കപ്പലുകൾക്കായി ഒരു താൽക്കാലിക സമുദ്രപാത (temporary maritime corridor) ഒരുക്കാൻ അന്താരാഷ്ട്ര സമുദ്ര സംഘടനയുമായി (IMO) ചേന്ന് പ്രവർത്തിച്ചതായി ഒമാൻ ചൊവ്വാഴ്ച അറിയിച്ചതായി ഔദ്യോഗിക വാർത്താ ഏജൻസി റിപ്പോർട്ട് ചെയ്തു.
ഈ താൽക്കാലിക പാത ഉപയോഗിക്കാൻ ആഗ്രഹിക്കുന്ന കപ്പലുകൾ, ഒമാൻ അധികൃതരും ഐ.എം.ഒയും ചേർന്ന് പ്രഖ്യാപിക്കുന്ന കൃത്യമായ ഭൂപട നിർദ്ദേശാങ്കങ്ങൾ (coordinates) അനുസരിച്ച് ഐ.എം.ഒയുമായി മുൻകൂട്ടി ഏകോപനം നടത്തേണ്ടതുണ്ടെന്നും വാർത്തയിൽ കൂട്ടിച്ചേർത്തു.
അന്താരാഷ്ട്ര നിയമത്തിനും സമുദ്ര നിയമത്തിനും അനുസൃതമായി തന്ത്രപ്രധാനമായ ജലപാതയിലൂടെയുള്ള നാവിഗേഷൻ സ്വാതന്ത്ര്യം ഉറപ്പാക്കുക എന്ന ലക്ഷ്യത്തോടെയായിരുന്നു ഈ നടപടി. ഗതാഗത ഫീസ് ചുമത്താതെ നാവിഗേഷൻ സ്വാതന്ത്ര്യം ഉയർത്തിപ്പിടിക്കുന്ന നിയമമാണിത്.
