പൊതുജനാരോഗ്യത്തിന് ഭീഷണിയാകും വിധം പ്രവർത്തിച്ചതിനെ തുടർന്ന് അബുദാബിയിലെ ‘സഫാരി പ്ലാസ റെസ്റ്റോറന്റ്’ (Safari Plaza Restaurant) അബുദാബി അഗ്രികൾച്ചർ ആൻഡ് ഫുഡ് സേഫ്റ്റി അതോറിറ്റി (Adafsa) താൽക്കാലികമായി അടപ്പിച്ചു.
അബുദാബി സിറ്റിയിലെ അൽ മുറൂർ റോഡിൽ (Al Muroor Road) പ്രവർത്തിക്കുന്ന ഈ സ്ഥാപനത്തിനെതിരെ, തുടർച്ചയായ ഭക്ഷ്യസുരക്ഷാ നിയമലംഘനങ്ങളും അവ പരിഹരിക്കുന്നതിലുണ്ടായ വീഴ്ചയും ചൂണ്ടിക്കാണിച്ചാണ് ഇന്ന് ജൂൺ 25-ന് ഈ അഡ്മിനിസ്ട്രേറ്റീവ് ക്ലോഷർ ഓർഡർ പുറപ്പെടുവിച്ചത്.
റെസ്റ്റോറന്റിലെ പോരായ്മകൾ പൂർണ്ണമായും പരിഹരിക്കുകയും, അതോറിറ്റിയുടെ എല്ലാ മാനദണ്ഡങ്ങളും വ്യവസ്ഥകളും പാലിക്കുകയും ചെയ്യുന്നത് വരെ ഈ താൽക്കാലിക വിലക്ക് നിലനിൽക്കും.
എമിറേറ്റിലെ ഭക്ഷ്യസുരക്ഷാ സംവിധാനം ശക്തമാക്കുന്നതിനായി അതോറിറ്റി നടത്തുന്ന നിരന്തരമായ പരിശോധനകളുടെ ഭാഗമായാണ് ഈ നടപടി.
