യുഎഇയിലെ നാല് ഇന്ത്യൻ കോൺസുലാർ ആപ്ലിക്കേഷൻ സെന്ററുകളുടെ (ICAC) പ്രവർത്തനം ഒക്ടോബർ 22 വ്യാഴാഴ്ച മുതൽ അവസാനിപ്പിക്കുന്നതായി ഇന്ത്യൻ എംബസി അറിയിച്ചു. ഇതോടെ രാജ്യത്തുടനീളം പ്രവർത്തിക്കുന്ന കേന്ദ്രങ്ങളുടെ എണ്ണം 12 ആയി കുറയും.
-
പ്രവർത്തനം നിർത്തുന്ന കേന്ദ്രങ്ങൾ:
-
മുസഫ (Musaffah)
-
അൽ റീം (Al Reem)
-
ദുബായ് ഇൻവെസ്റ്റ്‌മെന്റ് പാർക്ക്-1 (DIP-1)
-
ഷാർജ അൽ മജാസ് (Sharjah Al Majaz)
-
-
പ്രവർത്തനം തുടരുന്ന കേന്ദ്രങ്ങൾ: അൽ ദാന, അൽ ഐൻ, മദീനത് സായിദ്, അൽ ദഫ്ര, ഗയാത്തി, ബർ ദുബായ്, ഷാർജ ഇന്ത്യൻ അസോസിയേഷൻ, അജ്മാൻ, ഉമ്മുൽ ഖുവൈൻ, റാസൽഖൈമ, ഫുജൈറ, കൽബ, ഖോർഫക്കാൻ എന്നീ 12 കേന്ദ്രങ്ങളിൽ സേവനങ്ങൾ പതിവുപോലെ ലഭ്യമായിരിക്കും.
-
പ്രവർത്തന സമയം: ഈ കേന്ദ്രങ്ങൾ രാവിലെ 8 മുതൽ വൈകുന്നേരം 6 വരെ പ്രവർത്തിക്കും. അപ്പോയിന്റ്മെന്റ് സമയത്തിന് 15 മിനിറ്റ് മുമ്പ് മാത്രമേ പ്രവേശനം അനുവദിക്കൂ.
-
വാക്ക്-ഇൻ (Walk-in) സേവനങ്ങൾ: തത്കാൽ പാസ്‌പോർട്ട് സേവനങ്ങൾ, നവജാത ശിശുക്കളുടെ അപേക്ഷകൾ, എമർജൻസി സർട്ടിഫിക്കറ്റുകൾ (EC), 60 വയസ്സിന് മുകളിലുള്ള മുതിർന്ന പൗരന്മാർ എന്നിവർക്ക് അപ്പോയിന്റ്മെന്റ് ഇല്ലാതെ നേരിട്ടെത്തി സേവനങ്ങൾ കൈപ്പറ്റാം.
