യു.എ.ഇയിൽ അടിയന്തര മെഡിക്കൽ സേവനങ്ങൾക്കെത്തുന്ന അംഗീകൃത ഡോക്ടർമാർക്കും അവശ്യ സേവന വാഹനങ്ങൾക്കും റോഡുകളിൽ മുൻഗണന നൽകുന്നതും വേഗപരിധിയിൽ ഇളവുകൾ അനുവദിക്കുന്നതുമായ പുതിയ മന്ത്രിതല തീരുമാനം പുറത്തിറങ്ങി. അൽ ഖലീജ് (Al Khaleej) പത്രമാണ് ഇത് സംബന്ധിച്ച വിവരങ്ങൾ പുറത്തുവിട്ടത്.
പുതിയ ഉത്തരവ് പ്രകാരം, നഗരപ്രദേശങ്ങൾക്ക് പുറത്തുള്ള പ്രധാന റോഡുകളിൽ ഇവർക്ക് നിയമപരമായ വേഗപരിധിയേക്കാൾ മണിക്കൂറിൽ 40 കി.മീ അധിക വേഗതയിൽ (Exceed speed limit by up to 40km/h) വാഹനം ഓടിക്കാൻ അനുമതിയുണ്ടാകും.
-
3 പ്രധാന ട്രാഫിക് ഇളവുകൾ (Traffic Exemptions):
-
നഗരപ്രദേശങ്ങൾക്ക് പുറത്തുള്ള റോഡുകളിൽ (Outside built-up areas) അനുവദനീയമായ വേഗപരിധിയേക്കാൾ പരമാവധി 40 കി.മീ/മണിക്കൂർ വേഗതയിൽ സഞ്ചരിക്കാം.
-
ഗതാഗതക്കുരുക്കുള്ള സമയങ്ങളിൽ എമർജൻസി ലെയ്‌നുകളും (Road shoulders) അടിയന്തര വാഹനങ്ങൾക്കുള്ള ട്രാക്കുകളും ഉപയോഗിക്കാം.
-
പൊതുഗതാഗത ബസുകൾക്ക് മാറ്റിവെച്ചിരിക്കുന്ന പ്രത്യേക ബസ് ലെയ്‌നുകൾ (Bus lanes) ഉപയോഗിക്കാം.
-
-
മുൻഗണന ലഭിക്കുന്ന 4 വിഭാഗങ്ങൾ:
-
അടിയന്തര മെഡിക്കൽ സേവനങ്ങൾക്ക് പോകുന്ന അംഗീകൃത ഡോക്ടർമാർ.
-
സർക്കാർ അതോറിറ്റികളോ കരാറുകാരോ നടത്തുന്ന പബ്ലിക് റോഡ് സേവന വാഹനങ്ങൾ.
-
അപകടസ്ഥലത്തേക്കോ കേടായ വാഹനങ്ങൾ നീക്കാനോ പോകുന്ന വെഹിക്കിൾ റിക്കവറി വാഹനങ്ങൾ.
-
ട്രാഫിക് അപകട സ്ഥലങ്ങളുടെ മാപ്പിംഗ് നിർവ്വഹിക്കുന്ന വാഹനങ്ങൾ.
-
-
ഡോക്ടർമാർ പാലിക്കേണ്ട 4 നിബന്ധനകൾ:
-
സമിതി അംഗീകരിച്ച അത്യാവശ്യ മെഡിക്കൽ സ്പെഷ്യാലിറ്റി വിഭാഗത്തിൽ പെട്ടയാളായിരിക്കണം.
-
യു.എ.ഇയിൽ സാധുതയുള്ള മെഡിക്കൽ ലൈസൻസ് ഉണ്ടായിരിക്കണം.
-
ട്രാഫിക്/ലൈസൻസിംഗ് അതോറിറ്റി അംഗീകരിച്ച പ്രത്യേക ഡ്രൈവിംഗ് പരിശീലന കോഴ്‌സ് പൂർത്തിയാക്കണം.
-
എമർജൻസി റെസ്‌പോൺസ് പെർമിറ്റും അതോറിറ്റി അംഗീകാരവും നേടിയിരിക്കണം.
-
-
ഡ്രൈവർമാർ പാലിക്കേണ്ട പ്രധാന നിയമങ്ങൾ (Obligations):
-
റെഡ് സിഗ്നൽ യാതൊരു കാരണവശാലും ലംഘിക്കാൻ പാടില്ല.
-
സ്കൂളുകൾ, ആശുപത്രികൾ, താമസമേഖലകൾ എന്നിവയ്ക്ക് സമീപമുള്ള സ്പീഡ് ലിമിറ്റ് നിർബന്ധമായും പാലിക്കണം.
-
പോലീസിനും ആംബുലൻസിനും ഫയർഫോഴ്സിനും ഔദ്യോഗിക വി.ഐ.പി വ്യൂഹങ്ങൾക്കും വഴിയൊരുക്കണം.
-
സേവനം ആരംഭിക്കുന്നതിന് മുൻപ് അതത് പോലീസ് ഓപ്പറേഷൻസ് റൂമിൽ വിവരമറിയിച്ചിരിക്കണം.
-
